سايلاۋدا وسىلاي داۋىس بەرىپ ەدىك جەڭىستەرگە جەتكىزىپ كەلەدى

قاراپ وتىرسام, وتكەن عاسىردىڭ 1991 جىلى, ونىڭ وزىندە جەلتوقسان ايى ەلىمىز جاڭا تاري­حىن­دا التىن بەتتەر بولىپ جازىلىپ قالعان وقيعا­لارعا تولى بولىپتى. جىل باسىنان-اق كەڭەس وداعى كەڭىستىگىندە بۇرىن-سوڭدى ەستىلىپ-كورىل­مەگەن وزگەرىستەر ءدۇمپۋى شىندىعىن ايتقاندا, كوڭىلىمىزدى ءارتۇرلى ويلارعا قوبالجىتىپ, اسا الاڭ­داۋشىلىق تۋعىزعان ەدى. ارتى بولجاۋسىز الماعايىپ كەزەڭنىڭ نەگە اپارىپ سوقتىرارى كۇن سايىنعى بۇرالاڭداردان ءتىپتى ۇرەي ۇيەلەتەتىن. وسىنداي شاقتا رەسپۋبليكا باسشىسى ن.ءا. نازار­باەۆتىڭ ۇستامدى, بايسالدى ساياساتى مەدەت بولماعاندا قانداي جاعدايعا ۇشىرارىمىزدى ەسكە الۋ اۋىر. بار ءۇمىتىمىز بەن سەنىمىمىز ەل حالقى الدىندا بەدەلى وتە-موتە بيىك نۇرسۇلتان ءابىش ۇلى بولعاندىعى شىندىق. مەتاللۋرگتەر ورتاسىندا شىڭدالىپ ءوسىپ, قايراتقا قايرالعان قاسيەتىن جاقسى بىلەتىندىكتەن قيىندىقتان الىپ شىعاتىندىعىنا مەن ءوزىم اسىرەسە, بەرىك سەندىم.سوندىقتان سول كەزدەگى جوعارى كەڭەس دەپۋتاتتا­رىنىڭ پرەزيدەنتىككە نۇرسۇلتان نازارباەۆتىڭ كانديداتۋراسىن ۇسىنۋىن قۋانا قارسى الدىم. حالىقتىڭ تۇگەلى قاتىسۋى ار­قىلى سايلانۋعا ءتۇسۋ دۇرىس شەشىم دەپ قابىلدادىم. داۋىس بەرۋ كۇنى سايلاۋ ۋچاسكەسىنە ەرتە باردىم. سولاي بولسا دا ونىڭ الدى جۇرتقا لىق تولىپ قالىپتى. ءبارىنىڭ دە وي-نيەتى بىردەي ەكەنى جارقىن جۇزدە­رى­نەن ايتىلماي-اق اڭعارىلدى. «ءوزىمىزدىڭ نۇر­سۇل­تانىمىزعا. ءوزىمىزدىڭ نازارباەۆىمىزعا داۋىس بەرەمىز!» دەپ جاڭعىرىققان داۋىستار وسى كۇنگە دەيىن قۇلاعىمنان كەتپەيدى. كەيىننەن بىلگەنىمدەي تەمىرتاۋلىقتاردىڭ 99 پايىزى جاقتاپ داۋىس بەرىپتى. مۇنداي بىراۋىزدىلىق كەيىنگى ساي­لاۋلارعا دا ءتان بولدى. بۇل حالىقتىڭ تۇڭعىش پرەزيدەنتىنە دەگەن شەكسىز سۇيىسپەنشىلىگى دەي الامىن. تەمىرتاۋىمىز جىلدان-جىلعا كوركەيىپ, ءور­كەندەۋ ۇستىندە. جاقىندا نۇرسۇلتان ءابىش ۇلى جۇمىس ساپارىمەن قالامىزدا, ءوزى ەڭبەك ەتكەن مەتاللۋرگيالىق كومبيناتتا بولىپ, جاڭارۋ­لارمەن تىكەلەي تانىستى. وعان سۇيىنىشتىلىگىن ءبىلدىردى. جولىمىزدى جالعاستىرعان جاستاردىڭ جالىندى ىستەرىنە قۋانىشتىمىز. ارعىن ءجۇنىسوۆ, قازاقستاننىڭ ەڭبەك ەرى. تەمىرتاۋ.