بالالار ادەبيەتىنىڭ جۇيرىكتەرى

ليندگرەن سىيلىعى

استريد ليندگرەننىڭ قۇرمەتىنە تاعايىندالعان سىي­لىقتىڭ بيىلعى لاۋرەاتى امەريكالىق جازۋشى – جاكلين ۆۋدسون. وتىزدان استام كىتاپ اۆتورىنىڭ شى­عارمالارى نەگىزىنەن جاسوسپىرىمدەر مەن بالا­لار­عا ارنالعان. ونىڭ اتاقتى شىعارمالارىنىڭ ءبىرى – «قاراتورى قىزدىڭ ارمانى».

قازىلار القاسى: «جاكليننىڭ كەيىپكەرلەرى ومىر­دەن ءوز ورىندارىن تابۋ ءۇشىن كۇرەسەدى. اۆتور كۇن­دەلىكتى ومىردەگى قايعى مەن ءۇمىتتىڭ اراسىنان عا­­جايىپ پوەتيكالىق نوتانى تابا بىلگەن» دەپ با­عا­لاپتى.

ليندگرەن سىيلىعى – بالالارعا ارنالعان شىعار­ما­لار بايگەلەرىنىڭ ىشىندەگى ەڭ ءىرىسى. 2002 جىلى بالالار جازۋشىسى استريد ليندگرەن قايتىس بولعاننان كەيىن شۆەتسيا ۇكىمەتى تاعايىنداعان. جۇلدەسى – 5 ميلليون شۆەد كرونى (500 مىڭ ەۋرودان استام). بيىل بۇل بايگەگە 60 ەلدەن 235 ۇمىتكەر قاتىسقان.

اندەرسەن سىيلىعى

«Publishers Weekly» باسىلىمىنىڭ حابارلاۋىنشا, بولونداعى بالالارعا ارنالعان كىتاپتار جارمەڭكەسىندە گانس حريستيان اندەرسەن اتىنداعى سىيلىق ءوز يەلەرىن تاپتى. بالالار ادەبيەتىنىڭ نوبەلى سانالاتىن بۇل سىيلىقتىڭ بيىلعى جۇلدەگەرلەرى – جاپون جازۋشىسى ەيكو كادونو مەن ۇزدىك سۋرەتشى-يلليۋستراتور رەسەيلىك يگور ولەينيكوۆ. 

ەيكو كادونونىڭ اتاقتى شىعارماسى – «كيكيدىڭ جەتكىزۋ قىزمەتى» 1985 جىلى جاپونيادا جارىق كورىپ, 2003 جىلى اقش-تا «Annick Press» باس­پا­سىنان باسىلىپ شىققان بولاتىن. كوريكو دەگەن قالادا تۇراتىن مىستان قىزدىڭ تاعدىرىن سۋ­رەت­تەيتىن بۇل كىتاپ جەلىسىمەن كەيىن الەمگە اي­گىلى جاپون رە­جيسسەرى حاياو ميادزاكي تسيكلدى اني­ما­تسيالىق في­لم تۇسىرگەن. «اۆتوردىڭ شى­عار­ما­لا­رىندا سوزبەن جەتكىزە المايتىن تارتىمدىلىق, مۇڭ, يمپۋلس بار... كادونو ۇنەمى ساياحاتتاپ جۇ­رە­تىنىنە قاراماستان, ونىڭ ءومىرى جاپونياعا ماڭگى باي­لانعان. سول ارقىلى ونداعى ادامداردىڭ ءارتۇرلى تاع­دىرىن بىزگە جەتكىزە بىلەدى» دەلىنگەن قازىلار ال­قاسىنىنىڭ شەشىمىندە.

يگور ولەينيكوۆ كلاسسيكالىق ەرتەگىلەر مەن تاريحي وقيعالارعا يلليۋستارتسيا جاساۋدان بۇرىن ماسكەۋدەگى «سويۋزمۋلتفيلم» ستۋ­ديا­سىن­دا انيماتور رەتىندە ءوز كاسىبىن باستاعان. ولەي­ني­كوۆتىڭ شىعارماشىلىعى تۋرالى: «بۇل يلليۋسترا­تور قاعازعا جان بىتىرگەندە, ارىپتەستەرىنىڭ ءوزى تاڭ­عا­لا­تىن­داي شەبەر. ول عاجايىپ كەيىپكەرلەردى سالدى. سونىمەن قاتار ونىڭ شىعارماشىلىعىنىڭ ونە بويىندا ورىس كوركەمونەر مەكتەبىنىڭ ءستيلى مەن سەزىمى بار», دەگەن قازىلار القاسى. 

سىيلىق قىركۇيەك ايىندا افينا قالاسىندا وتەتىن بالالارعا ارنالعان كىتاپتاردىڭ حالىق­ارا­لىق كەڭەسىنىڭ 36-شى كونگرەسىندە تابىستالادى.