ناۋرىز ايىندا شورتاندى كەنتىندەگى «لاستوچكا» ءدامحاناسىندا جانازا اسىنا بارعان ادامداردىڭ العاشىندا 44-ءى وزدەرىن جايسىز سەزىنىپ, دارىگەردىڭ كومەگىنە جۇگىنگەن ەدى. كەيىن جاعدايى ناشارلاعاندار سانى 58-گە جەتتى. ناۋقاستاردىڭ بارلىعى ىشتەرى ءجۇرىپ, قۇسۋ, دەنە قىزۋىنىڭ كوتەرىلۋى بەلگىلەرىنە شاعىمداندى. دارىگەرلەر ولارعا بىردەن جەدەل مەديتسينالىق كومەك كورسەتتى. وسىعان وراي, دامحاناداعى اس ءمازىرىنىڭ بارلىعىنان زەرتحانالىق سىناما الىنىپ, ساراپتامادان وتكىزىلگەن بولاتىن.
اقمولا وبلىستىق قوعامدىق دەنساۋلىق ساقتاۋ دەپارتامەنتى ماماندارىنىڭ دەرەگى بويىنشا, زەرتحانالىق زەرتتەۋلەردىڭ نەگىزىندە بارلىق اۋىرعان ادامدارعا «سالمونەللەز» تۇپكىلىكتى دياگنوزى قويىلدى. ناۋقاستارعا كاجەتتى مەديتسينالىق كومەك كورسەتىلىپ, ءۇي وشاقتارىندا كەشەندى تۇردە ەپيدەمياعا قارسى جانە پروفيلاكتيكالىق ءىس شارالار وتكىزىلدى. «ەت انتيسانيتارلىق جاعدايدا دايىندالعان, جەكە گيگيەنانى ساقتاۋ ءۇشىن جاعداي جاسالماعان, ەشكىم تۇرمايتىن, جايسىز ۇيدە ءپىسىرىلىپ, كەسىلگەنى تەكسەرىس بارىسىندا انىقتالدى», دەدى دەپارتامەنتتىڭ ءباسپاسوز قىزمەتىنەن. سونىمەن قاتار, ماماندار تۋرالعان ەت جانە ازىق-ت ۇلىك بەلگىسىز اۆتوكولىكپەن جەتكىزىلىپ, «لاستوچكا» ءدامحاناسىنا بولمە تەمپەراتۋراسىندا 10 ساعاتتان ارتىق ارنايى ىدىستا ساقتالىنعانىن انىقتاپ وتىر. «ەتتى پىسىرۋگە جانە تۋراۋعا تۋىستارى قاتىسقان, باكتەريولوگيالىق زەرتتەۋ كەزىندە, تاماق دايىنداۋعا قاتىسقان ءبىر ايەلدە سالمونەللا انىقتالعان, ياعني ول ساۋ جۇقتىرۋشى بولىپ تابىلادى. «لاستوچكا» ءدامحاناسىندا جۇرگىزىلگەن جوسپاردان تىس تەكسەرۋ كەزىندە سانيتارلىق - گيگيەنالىق تالاپتاردا بىرقاتار زاڭبۇزۋشىلىقتار انىقتالعان. وسى فاكتى بويىنشا دەرەكتەر شورتاندى ءاىىب-نە اكىمشىلىك زاڭناماعا سايكەس, ءوز قۇزىرەتى شەگىندە شارالار قابىلداۋ ءۇشىن جىبەرىلدى.
«وعان قوسا, الداعى ۋاقىتتا جاپپاي تاماقتان ۋلانۋ وقيعالارىنا جول بەرمەۋ ماقساتىندا «اتامەكەن» كاسىپكەرلەر پالاتاسىمەن بىرلەسىپ قوعامدىق تاماقتاندىرۋ قىزمەتتەرىن كورسەتەتىن كاسىپكەرلەرمەن ءتۇسىندىرۋ جۇمىستارى جانداندىرىلدى», دەپ ءتۇسىندىردى دەپارتامەنتىڭ ءباسپاسوز قىزمەتى.
