قر ۇەم مالىمەتى بويىنشا, قازاقستانداعى ينفلياتسيا 2018 جىلدىڭ قاڭتار–ناۋرىز ارالىعىندا 1,8% قۇرادى. اعىمداعى جىلدىڭ باسىنان بەرى ينفلياتسيا دەڭگەيى جاڭا ءدالىز – 5-7% ارالىعىندا ساقتالىپ تۇر.
«2017 جىلعى ى توقسانمەن سالىستىرعاندا ينفلياتسيانىڭ ەكى قۇرامداۋىشى بويىنشا باعا ءوسۋىنىڭ باسەڭدەگەنى بايقالىپ وتىر: ازىق-ت ۇلىك تاۋارلارىنا –2,2% (ەسك. – 2017 جىلدىڭ ى توقسانىندا 3,2%), ازىق-ت ۇلىك ەمەس تاۋارلارعا –1,3% (ەسك. – 2017 جىلدىڭ ى توقسانىندا 1,7%) قۇرادى. سونىمەن قاتار, اقىلى قىزمەتتەرگە باعالار مەن تاريفتەر وتكەن جىلدىڭ دەڭگەيىندە – 1,7% ساقتالدى», — دەدى تيمۋر سۇلەيمەنوۆ.
قاراقۇمىققا – 12,6%, جۇمىرتقاعا –1,1%, كۇرىشكە – 1% جانە كۇنباعىس مايىنا 0,2% باعالار تومەندەدى. سونداي-اق, قىرىققاباتقا, كارتوپقا, پيازعا, جەمىستەرگە, تەمەكى بۇيىمدارىنا باعانىڭ وسكەنى بايقالادى.
ازىق-ت ۇلىككە جاتپايتىن تاۋارلاردا باعانىڭ ەڭ تومەنگى ءوسۋى (1,3%) بايقالدى. بىرقالىپتى قارقىنمەن (1,7%) اقىلى قىزمەتتەردىڭ باعاسى وسكەن. اقىلى قىزمەتتەر ىشىندە ەڭ جوعارى باعا ءوسىمى قۇقىقتىق (6%-كە) جانە پوشتا قىزمەتتەرىندە (4,3%) تىركەلگەن. سونىمەن قاتار, اۋە كولىگى قىزمەتتەرىنە (8,5%) جانە كولىك قۇرالدارىنا تەحنيكالىق قىزمەت كورسەتۋدە (3,4%) باعانىڭ ايتارلىقتاي تومەندەگەنى بايقالادى.
وڭىرلەر تۇرعىسىنان العاندا, جىل باسىنان بەرى 10 وڭىردە ينفلياتسيا ورتاشا رەسپۋبليكالىق كورسەتكىشتەن تومەن دەڭگەيدە.
سونىمەن قاتار, 6 وڭىردە ينفلياتسيا ورتاشا رەسپۋبليكالىق دەڭگەيدەن جوعارى. بۇل سولتۇستىك قازاقستان (2,5%), پاۆلودار (2,3%), قىزىلوردا (2,3%), شىعىس قازاقستان (2,1%), وڭتۇستىك قازاقستان وبلىستارى (1,9%) جانە الماتى قالاسى (1,9%).
«ينفلياتسيانىڭ جاڭا ارالىعىنان (5-7%) اسىپ كەتپەۋ ءۇشىن, كورسەتىلگەن وڭىرلەر باعا ءوسۋىن تەجەۋ ماقساتىندا قاجەتتى شارالاردى قابىلداۋى قاجەت. باسقا وڭىرلەر ينفلياتسيانىڭ تومەنگى قارقىنىن ساقتاۋى كەرەك», — دەدى تيمۋر سۇلەيمەنوۆ.
قر پرەمەر-ءمينيسترى باقىتجان ساعىنتاەۆ ءتيىستى مينيسترلىكتەر مەن ۆەدومستۆولاردىڭ باسشىلارىنا, وڭىرلەردىڭ اكىمدەرىنە الەۋمەتتىك ماڭىزدى تاۋارلاردىڭ باعالارىنا باقىلاۋ جاساۋدى جانە ينفلياتسيانىڭ نەگىزسىز ءوسۋىن بولدىرماۋدى تاپسىردى.
باقىلاۋ جۇمىستارى پرەمەر-ءمينيستردىڭ ورىنباسارى ە. دوساەۆقا جۇكتەلدى.
