قر ءبىلىم جانە عىلىم ۆيتسە-ءمينيسترى اسxات ايماعامبەتوۆتىڭ ايتۋىنشا, مەكتەپ وقۋشىسى تەستتى قاي تىلدە تاپسىراتىنىن ءوزى تاڭدايدى.
«شىنىمەن دە, بيىل ۇلتتىق بىرىڭعاي تەستىلەۋدى اعىلشىن تىلىندە تاپسىرۋعا مۇمكىندىك بەرەيىن دەپ وتىرمىز. 10 ناۋرىزدا تەستتى تاپسىرۋ تۋرالى وتىنىمدەر قابىلدانا باستادى. اتالعان جۇمىس مامىردىڭ ورتاسىنا دەيىن جالعاسادى. سوندىقتان اعىلشىن تىلىندەگى تەستتى كىمنىڭ جانە قانشا ادامنىڭ تاڭداعانىن ازىرشە ايتا المايمىز. ونى ءوتىنىش ءبىلدىرۋ پروتسەدۋراسى اياقتالعاندا بىلەمىز. دەگەنمەن, اعىلشىن تىلىندە ساباق بەرەتىن كەيبىر مەكتەپتەر ودان قالىس قالمايتىن شىعار», - دەدى ا.ايماعامبەتوۆ ۇكىمەت وتىرىسىنان كەيىنگى ءباسپاسوز ءماسليxاتىندا.
ونىڭ سوزىنە قاراعاندا, اعىلشىن تىلىندەگى سۇراقتاردىڭ قازاقشا جانە ورىسشا نۇسقادان ايىرماشىلىعى جوق.
«اعىلشىن تىلىندەگى سۇراقتار دايىن جانە تەست كىتاپشالارىنا ەنگىزىلدى. بارلىق سۇراقتار وقۋ باعدارلاماسىن قامتيدى جانە ءبىلىم بەرۋ تالاپتارىنا ساي كەلەدى. قازاقشا بولسىن, ورىسشا بولسىن, مازمۇنى جاعىنان كوپ ايىرماشىلىق جوق», - دەپ اتاپ كورسەتتى ا.ايماعامبەتوۆ.
