مەملەكەت باسشىسىنىڭ الەۋمەتتىك بەس باستاماسىنىڭ ماڭىزىن جۇمىسشىلارعا جان-جاقتى تۇسىندىرگەن پارلامەنت سەناتىنىڭ دەپۋتاتى عۇمار دۇيسەمباەۆ ءاربىر وتباسىنا باسپانا الۋداعى جاڭا مۇمكىندىكتەر بار ەكەنىن, سونداي-اق جوعارى ءبىلىم الۋدا, شاعىن نەسيە بەرۋدى كوبەيتۋدە جانە ەڭبەكاقى مەن سالىق سالاسىندا دا اۋقىمدى جاڭالىقتار بولاتىنىن اتىراۋ قالاسىنداعى «نورت كاسپيان وپەرەيتينگ كومپاني ن.ۆ» كومپانياسىنىڭ ەڭبەك ۇجىمىمەن كەزدەسۋىندە ايتتى.
بۇل قۇجاتتا ەلىمىزدىڭ قازىرگى دامۋ كەزەڭىندەگى جەتىستىكتەرگە ساي حالىقتىڭ الەۋمەتتىك جاعدايىن جاقسارتۋ جولدارى كورسەتىلگەن.
سەناتور ع.دۇيسەمباەۆ «اتىراۋ» الەۋمەتتىك كاسىپكەرلىك كورپوراتسياسىنىڭ ەڭبەك ۇجىمىمەن كەزدەسۋ وتكىزدى. جۇزدەسۋدە ەلباسىنىڭ العا قويعان مىندەتتەرىن ورىنداۋ, ەڭبەك ونىمدىلىگىن ارتتىرۋ, ساپالى ونىمدەر شىعارۋ جايىندا ايتىلدى.
سونىمەن قاتار 30 ناۋرىز كۇنى «Caspian Royal Fish» جاۋاپكەرشىلىگى شەكتەۋلى سەرىكتەستىگىنىڭ «بالىقتىڭ بەكىرە تەكتەس تاۋارلىق بالىق ءوسىرۋ جانە جابىق جۇيەدە ۋىلدىرىق الۋ كەشەنىندە» جانە اتىراۋداعى مۇناي ماشينالارىن جاساۋ زاۋىتىندا دا بولىپ, ەڭبەك ۇجىمدارىمەن كەزدەسۋ وتكىزدى.
