جيىنعا باتىس قازاقستان وبلىسى اكىمىنىڭ ورىنباسارى ميرجان ساتقانوۆ, ورال قالاسى اكىمىنىڭ ورىنباسارى ميربولات نۇرجانوۆ, «اتامەكەن» كاسىپكەرلەر پالاتاسى وبلىستىق فيليالىنىڭ ديرەكتورى ساكەن كاريندەر قوناق رەتىندە قاتىستى.
باتىس قازاقستان وبلىستىق ىسكەر ايەلدەر كەڭەسىنىڭ ءتورايىمى جۇلدىز قۇسپانوۆا فورۋمدا ارنايى بايانداما جاساپ, قىز-كەلىنشەكتەر قولعا العان كاسىپكەرلىك ىستەردىڭ جەتىستىگى مەن قيىندىق تۇستارى جايلى ايتىپ ءوتتى. ەل دامۋىنداعى ايەلدەردىڭ ءرولى, ىسكەر ايەلدەردى قولداۋ, جالپى ايەلدەر قاۋىمىنىڭ ەكونوميكالىق بەلسەندىلىگىن ارتتىرۋ تاقىرىبى ءتۇرلى باياندامالاردا كوتەرىلىپ, تالقىعا ءتۇستى.
بۇل كۇنى «بالزيا» كونديتەرلىك تسەحى مەن دۇكەندەر جەلىسىنىڭ قوجايىنى بالزيا ەۆەنەەۆا, «ماريا حانىم» ءسان ءۇيىنىڭ قۇرىلتايشىسى ماريا قۇسپانوۆا, باتىس قازاقستان يننوۆاتسيالىق تەحنولوگيالار ۋنيۆەرسيتەتىنىڭ قۇرىلتايشىسى ءلاززات رىسبەكوۆا, «جايىق دەنت» ستوماتولوگيالىق ورتالىعىنىڭ قۇرىلتايشىسى مەرۋەرت مۋسينا جانە باسقا دا تابىسكەر قىز-كەلىنشەكتەر باتىس قازاقستان وبلىسىنىڭ اكىمىنىڭ ماقتاۋ قاعازىنا يە بولدى.
قازبەك قۇتتىمۇرات ۇلى,
«ەگەمەن قازاقستان»
ورال
