وبلىستىق توتەنشە جاعدايلار دەپارتامەنتى وسىدان ءبىر ساعات بۇرىنتاراتقان مالىمەتىندە بۇل ەلدى مەكەننەن 55,زىرياننىڭ وزىنەن 66 ادامنىڭ قاۋىپسىز جەرگە كوشىرىلگەنىن, ادامداردىڭ جارتىسى تۋىستارىنىڭ ۇيىنە, جارتىسى ەۆاكۋاتسيا بەكەتتەرىنە ورنالاستىرىلعانىن, سۋ باسقان ۇيلەر سانى انىقتالىپ جاتقانىن حابارلادى.
زىريانمەن ىرگەلەس جاتقان كاتونقاراعاي اۋدانىنىڭ اقسۋ جانە بارلىق اۋىلدارى دا قازىر ايتىپ كەلمەيتىن اپاتپەن ارپالىسۋدا. بۇقتىرما وزەنىندە مۇز كەسەكتەرىنىڭ جينالۋىنان سۋ دەڭگەيى كوتەرىلگەن. ناتيجەسىندە 10 ءۇيدى سۋ باسىپ, 20 ادام (ونىڭ 10-ى بالا) قاۋىپسىز جەرگە كوشىرىلگەن.
سونىمەن قاتار دەپارتامەنت كوكپەكتى اۋدانىنىڭ سامار اۋىلىندا قۇتقارۋشىلار جاعالاۋعا جاقىن ماڭدا تۇراتىن تۇرعىنداردى قاۋىپسىز جەرگە كوشىرىپ جاتقانىن حابارلادى. كوكپەكتى اۋداندىق توتەنشە جاعدايلار ءبولىمى باستىعىنىڭ ايتۋىنشا, ساماردان شامامەن 90 ءۇيدىڭ 200 تۇرعىنىن ەۆاكۋاتسيالاۋ قاجەت. الايدا تۇرعىنداردىڭ باسىم كوپشىلىگى كوشۋدەن باس تارتىپ وتىر. تۇرعىندار مەكتەپ جانە اگرارلىق كوللەدج بازاسىنداعى ەكى ەۆاكۋاتسيا بەكەتىنە ورنالاستىرىلادى. سونىمەن قاتار «وسكەمەن-سامار» اۆتوجولىنىڭ 132 شاقىرىمىنداەرىگەن قار سۋى تاسىپ, 50 مەتردەي جەردى باسقان.قازىر ول جەردە تجد, جەرگىلىكتى بيلىك جانە پوليتسيا جۇمىس ىستەپ جاتىر.
ازامات قاسىم,
«ەگەمەن قازاقستان»
