بيىلعى جىلدىڭ باعدارلاماسىنا كىرگەن فيلمدەر الۋان ءتۇرلى جانرلاردى قامتيدى: كومەديا, مەلودراما, ەكشن جانە «قىسقا مەتر» باعدارلاماسى.
قازاقستاندىقتار دجونني حولليدەي سوڭعى ءرولىن سومداعان, وسكار سىيلىعىنىڭ بىرنەشە مارتە يەگەرى كلود لەلۋشتىڭ ءفيلمىن تاماشالايدى. كورنەكتى اكتريسا يزابەل يۋپپەردىڭ قاتىسۋىمەن دە جاڭا فيلم جۇرەدى. سونىمەن قاتار ليۋك بەسسون پروديۋسەرلىك ەتكەن «تاكسي 5» ءفيلمىنىڭ تۇساۋى كەسىلەدى. كوپشىلىك كۇتكەن فيلم الەمدىك پروكاتقا 12 ءساۋىر – فەستيۆالدىڭ الماتىداعى اشىلۋى كۇنى شىعادى.
فەستيۆالعا فيلمدەردى ءتۇسىرۋشى فرانتسۋز كينەماتوگرافيستەرى قاتىسادى.
فەستيۆالدىڭ اشىلۋى مەن جابىلۋى, سونىمەن قاتار نەگىزگى كورسەتىلىمدەرى ادەتتەگىدەي UniFrance اگەنتتىگى جانە ونىڭ باستى ارىپتەستەرى – فرانتسيانىڭ قازاقستانداعى ەلشىلىگى مەن الماتىداعى فرانتسۋز اليانسى ۇيىمداستىرعان فەستيۆالدىڭ باستى الاڭىنا اينالعان «ارمان» كينوورتالىعىندا وتەدى.
ايناش ەسالي,
«ەگەمەن قازاقستان».
الماتى
