كەلىسىمگە 2010 جىلعى 24 تامىزدا استانا قالاسىندا قول قويىلعان بولاتىن. قۇجاتتىڭ باستى ماقساتى - ەكى ەل اراسىنداعى دوستىق قارىم-قاتىناستاردى نىعايتۋ, ديپلوماتيالىق وكىلدىكتەردىڭ بولۋى مەن جۇمىس ىستەۋىنىڭ ءتيىستى جاعدايلارىن قامتاماسىز ەتۋ بولىپ تابىلادى.
كوميتەت وتىرىسىندا قازاقستان مەن اقش ۇكىمەتى اراسىنداعى اۋعانستاننىڭ تۇراقتىلىعى جانە قايتا قالپىنا كەلتىرۋ جونىندەگى ءىس-قيمىلعا اقش-تىڭ قاتىسۋىنا بايلانىستى قازاقستان اۋماعى ارقىلى ارنايى جۇكتىڭ كوممەرتسيالىق تەمىرجول ءترانزيتىن قامتاماسىز ەتۋ تۋرالى ۇكىمەتارالىق كەلىسىمگە وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى دا قارالدى.
حاتتاماعا 2017 جىلعى 21 قىركۇيەكتە نيۋ-يوركتە قول قويىلدى جانە ارنايى جۇكتىڭ ترانزيتتىك باعىتىنا اقتاۋ جانە قۇرىق پورتتارىن ەنگىزۋدى كوزدەيدى, بۇل اۋعانستانعا (اۋعانستاننان) كاسپي تەڭىزى ارقىلى تەمىرجول تاسىمالدارىن جۇزەگە اسىرۋعا مۇمكىندىك بەرەدى.
اۋعانستانداعى كونتينگەنتتى ماتەريالدىق قامتاماسىز ەتۋدىڭ نەگىزگى باعىتى پاكىستان ارقىلى وتەدى, الايدا اسكەري-ساياسي تۇراقسىزدىققا جانە ەكىجاقتى قاتىناستارداعى كەلىسپەۋشىلىكتەرگە بايلانىستى امەريكا تاراپى ازەربايجان اۋماعىنان كاسپي تەڭىزى ارقىلى قازاقستانعا (اقتاۋ جانە قۇرىق پورتتارى) جانە ودان ءارى تەمىرجول كولىگىمەن وزبەكستان مەن اۋعانستانعا وتەتىن بالاما باعىتتى پىسىقتاۋدا, بۇل سولتۇستىك تاراتۋ تورابىنىڭ وزگەرتىلگەن نۇسقاسى بولىپ تابىلادى.
وسى ءترانزيتتىڭ جۇمىس ىستەۋى اۋعانستاندا بەيبىتشىلىك پەن تۇراقتىلىقتى ورناتۋعا ۇمتىلاتىن ەل رەتىندە قازاقستاننىڭ مۇددەلەرىنە تولىعىمەن جاۋاپ بەرەدى. حاتتاما ترانزيتتىك تاسىمالداۋ جۇيەسىن دامىتۋعا وڭ ىقپال ەتەدى جانە ەلدىڭ لوگيستيكالىق ينفراقۇرىلىمىن دامىتۋدى جالعاستىرادى. زاڭ جوبالارى پالاتانىڭ قاراۋىنا جىبەرىلدى.
