نىساندى تەكسەرۋ بارىسىندا قر پرەمەر-ءمينيسترى باقىتجان ساعىنتاەۆقا «Shymkent سity» تۇرعىن ءۇي كەشەنى 56 مىڭ تۇرعىنعا ارناپ سالىنىپ جاتقانى ايتىلدى. 427 گا اۋماقتا 2025 جىلعا دەيىن 324 تۇرعىن ءۇي, 7 مەكتەپ جانە 21 بالاباقشا سالىنادى.
جالپى العاندا, «نۇرلى جەر» باعدارلاماسى اياسىندا 2018 جىلى 7 665 پاتەردى تاپسىرۋ كوزدەلگەن. بۇگىنگى تاڭدا وبلىستا 277 كوپقاباتتى تۇرعىن ءۇي (13 009 پاتەر) سالىنىپ جاتىر. جىل سوڭىندا 129 ءۇي (4 582 پاتەر) پايدالانۋعا بەرىلەدى.
ءوز كەزەگىندە «بازيس-ا» كورپوراتسياسىنىڭ وكىلى ا. ومىرزاقوۆ الەۋمەتتىك نىسانداردىڭ قۇرىلىسى تۋرالى ايتىپ بەردى: 8 مىڭ ادام سىياتىن «شىمكەنت ارەنا» سپورت كەشەنى; سونداي-اق «كونگرەسس-ورتالىق», وندا ءبىر مەزگىلدە 2 مىڭعا جۋىق ادام بوس ۋاقىتىن وتكىزە الادى. سونىمەن قاتار, «شىمكەنت» اكك توراعاسى ا. الداجاروۆ وبلىس ورتالىعىندا جاڭا اۋەجاي تەرمينالىن سالۋ تۇجىرىمداماسىمەن تانىستىردى.
بۇدان وزگە, تۇرعىن ءۇي الابىن ارالاۋ كەزىندە «7–20–25» جاڭا تۇرعىن ءۇي باعدارلاماسىنىڭ ورىندالۋىن ەسكەرە وتىرىپ, قۇرىلىس سالاسىن ودان ءارى دامىتۋ بويىنشا ءوڭىردىڭ الەۋەتى قارالدى.
