سونىمەن قاتار, بريفينگكە وبلىستىق مەديتسينالىق ورتالىعى ديرەكتورىنىڭ مىندەتىن اتقارۋشى قانات جۋندابەكوۆ, وبلىستىق ءبىلىم باسقارماسى باسشىسىنىڭ ورىنباسارى قۇرالاي ەرتاشوۆا جانە وبلىستىق جاستار ساياساتى ماسەلەلەرى باسقارماسىنىڭ باسشىسى ەركەبۇلان مەڭلىباەۆ قاتىستى.
«قىىب كەزەكشى بولىمىنە ايتەكە بي جانە جەلتوقسان كوشەلەرىنىڭ قيىلىسىندا بۇزاقىلىق بولعانى تۋرالى حابارلاما تۇسكەن. وقيعا ورنىنا جەدەل-تەرگەۋ توبى جەتىپ, 7-8 ادامنان قۇرالعان توپتىڭ بۇزاقى ارەكەتى انىقتالدى. ناتيجەسىندە قالانىڭ 1 تۇرعىنى دەنە جاراقاتىمەن وبلىستىق مەديتسينالىق ورتالىققا (ومو) جەتكىزىلدى. اتالمىش دەرەك بويىنشا قر قك 259 بابى, 3 بولىگى, "بۇزاقىلىق" فاكتىسى بويىنشا قىلمىستىق ءىس قوزعالدى. قازىرگى ۋاقىتتا كۇدىكتىلەر, بۇزاقىلىق ارەكەتتىڭ مۇشەلەرى قىىب جەتكىزىلدى, تەرگەۋ امالدارى جۇرگىزىلىپ جاتىر. تەرگەۋ مۇددەسىنە بايلانىستى مالىمەتتەر جاريا ەتىلمەيدى», دەدى ءوىىد باسشىسىنىڭ ورىنباسارى ن.انارباەۆ.
ومو ديرەكتورىنىڭ مىندەتىن اتقارۋشى قانات جۋندابەكوۆتىڭ ايتۋىنشا, زارداپ شەككەن ازامات وبلىستىق مەديتسينالىق ورتالىعىنىڭ جان ساقتاۋ بولىمىنە جاتقىزىلدى. قازىر وعان وتا جاسالىپ جاتىر.
«ناۋقاس وبلىستىق مەديتسينا ورتالىعىنا اۋىر جاعدايدا جەتكىزىلدى. دەرەۋ قابىلداۋ بولىمىنەن جان ساقتاۋ بولىمىنە جاتقىزىلدى. سول مەزەتتە ء«ىش قۋىسىنا تەرەڭ وق تيگەن, ىشكى اعزالارى زاقىمدالعان» دەگەن دياگنوز قويىلدى. ءدال قازىرگى كەزدە ناۋقاسقا وتا جاسالىپ جاتىر. ونىڭ جاعدايى كەيىن بەلگىلى بولادى», دەدى ومو ديرەكتورىنىڭ مىندەتىن اتقارۋشى قانات جۋندابەكوۆ.
ايتا كەتۋ كەرەك, ايماق جاستارى اراسىندا قىلمىستى جانە باسقا دا ارەكەتتەردى بولدىرماۋ ماقساتىندا ءبىلىم, جاستار ساياساتى ماسەلەلەرى باسقارمالارى جەرگىلىكتى پوليتسيا قىزمەتىمەن بىرلەسىپ تۇسىندىرمە جۇمىستارىن جۇرگىزۋدە. ماسەلەن, ءار سەنبىدە جاستار كوپ شوعىرلاناتىن ورىنداردا «ستوپ - قىلمىس» اتتى رەيدتەر ۇيىمداستىرىلادى.
