وسىناۋ ايتۋلى وقيعاعا وراي بۇگىن الماتىداعى قازاقستان ءباسپاسوز كلۋبىندا فەستيۆالدىڭ ۇيىمداستىرۋشىلارى باق وكىلدەرىمەن كەزدەستى. ال دجاز دۋمانى 29 ناۋرىزدا الماتىداعى قازاق مەملەكەتتىك فيلارمونياسىندا سالتاناتتى تۇردە اشىلادى.
ەندىگى جەردە جىل سايىن وتەتىن «XVII حالىقارالىق دجاز مەرەكەسى. الماتى. قازاقستان-2018» مۋزىكالىق فەستيۆالىنىڭ العاشقى كونتسەرتىندە يزرايلدەن كەلگەن تريو يودجەۆ شەتريت جانە ۆەنگريالىق بارنا پەلي ونەر كورسەتەدى دەپ كۇتىلۋدە. اتاقتى يتالياندىق سىرنايشى نەللو سالتسا فەستيۆالدىڭ ەكىنشى كۇنىندە Hard Rock Cafe-سىندە جەرگىلىكتى مۋزىكانتتار – دميتري ساۆوستيانوۆ باسقاراتىن تريومەن بىرگە ونەر كورسەتەدى. ال قازاقستاندىق ونەر ۇجىمدارى – Almaty Jazz Youth Band وركەسترى, Nasiafrom Asia مەن اتمان توپتارى ءۇشىنشى كۇنى ساحناعا شىعادى. بۇلاردىڭ قاتاتىندا اۆستريالىق Sinfonia de Carnaval دۋەتى دە بار.
دجاز مەرەكەسىندە ەكىنشى رەت يسپاندىق مۋزىكانتتار – البەرتو رايا (Caminos Flamencos) قاتىسادى. سونىمەن قاتار فەستيۆالدە گەرمانيادان كەلگەن FAVO توبى مەن فرانتسيادان كەلگەن Quintette Swing de Paris (فرانتسيا) كۆينتەت ونەر كورسەتەدى.
كونتسەرتتەر 29 ناۋرىزدان باستاپ, 31 ناۋرىز جانە 1 ءساۋىر كۇنى جامبىل اتىنداعى قازاق مەملەكەتتىك فيلارمونياسىنىڭ زالىندا وتەدى. بيلەتتەردى ساتۋ www.ticketon.kz پورتالىندا ارقىلى جۇرگىزىلمەك.
30 ناۋرىزدا يتالياندىق سىرنايشى نەللو سالتسا Hard Rock Cafe-دە (كىرۋ تەگىن, تەل: 8 727 313 13 11) قازاقستاندىق مۋزىكانتتارمەن بىرگە كونتسەر بەرەدى. سول كۇنى اتالمىش كلۋبتا شىمكەنتتىك «سولنەچنىي گورود» نەمەسە «ۆ دجازە تولكو دەدۋشكي» توبى ونەر كورسەتەدى. فەستيۆال اياسىندا تانىمال مۋزىكانتتاردىڭ ءداستۇرلى شەبەرلىك دارىستەرى وتەدى.
حالىقارالىق فەستيۆالدىڭ ءوز دەڭگەيىندە وتۋىنە بيىلالماتى قالاسى اكىمدىگىنەن باستاپ «فرانتسۋز اليانسى» مەن «گيوتە ينستيتۋتى» جانە قازاقستانداعى قاتىسۋشى ەلدەردىڭ ديپلوماتيالىق ميسسيالارى قاتار قولداۋ كورسەتۋدە. مۋزىكا مەرەكەسىنە UNESCO جانە فرانتسيا, گەرمانيا, يسپانيا, يتاليا, اۆستريا جانە ۆەنگريا ەلدەرىنىڭ سىرتقى ىستەر مينيسترلىكتەرى سەرىكتەس بولادى.
ءوز كەزەگىندە الماتى دجاز مەرەكەسىنە Samruk-Kazyna Trust كورپوراتيۆتىك قورى, اSPANDAU عىلىمي-ءبىلىم بەرۋ قورى, FIDELITY دەنساۋلىق كلۋبى, MOLGROUP, Kelet, CIS integrated services, Arba Wine, «كازاحستان» قوناق ءۇيى, Devikا, fashion studio Pentatonica, Hard Rock Cafe, Mad Murphy's, Dublin, Pomodoro دەمەۋشىلىك تانىتادى.
ايناش ەسالي,
«ەگەمەن قازاقستان»
الماتى
