ءبىتىم بولمىسى, قالام تەربەۋى بولەك جازۋشى قازاق ادەبيەتىنە «اداسقاق», «بەسىن», «بەساتار» سىندى شوقتىعى بيىك تۋىندىلاردى دۇنيەگە اكەلدى. سوزاق اۋدانىنىڭ ورتالىعى شولاققورعانداعى جالپى ورتا مەكتەپكە جەرلەستەرىنىڭ جۇرەك قالاۋىمەن اسقار سۇلەيمەنوۆتىڭ اتى بەرىلىپ, ەڭسەلى ەسكەرتكىشى ورناتىلعالى ءبىرشاما جىلدىڭ ءجۇزى بولدى.
«ەلباسى ن.نازارباەۆ «بولاشاققا باعدار: رۋحاني جاڭعىرۋ» ماقالاسىندا «ۇلتتىق جاڭعىرۋ دەگەن ۇعىمنىڭ ءوزى ۇلتتىق سانانىڭ كەمەلدەنۋىن بىلدىرەدى. ۇلتتىق سالت-داستۇرلەرىمىز, ءتىلىمىز بەن مۋزىكامىز, ادەبيەتىمىز, جورالعىلارىمىز ءبىر سوزبەن ايتقاندا ۇلتتىق رۋحىمىز بويىمىزدا ماڭگى قالۋعا ءتيىس», دەپ اتاپ كورسەتكەن بولاتىن. وسى ماقساتتا ءتول ونەرىمىزدى تورگە شىعارىپ, ادەبيەتىمىزدى ۇلىقتاپ, اسقار سۇلەيمەنوۆ اتىنداعى ء«سوز زەرگەرى» اتتى كوركەمسوز وقۋ شەبەرلەرىنىڭ وبلىستىق بايقاۋىن ۇيىمداستىردىق», دەيدى اۋدان اكىمى سالىحان پولاتوۆ.
بايقاۋدىڭ شىمىلدىعى اۋداندىق حالىق تەاترىنىڭ ونەرپازدارى قويعان «اسقار بەينەسى» ساحنالىق كورىنىسىمەن ءتۇرىلدى. سوزاق اۋدانىنىڭ 90 جىلدىعى اياسىندا ۇيىمداستىرىلعان ء«سوز زەرگەرى» وبلىستىق بايقاۋىنا وڭتۇستىك قازاقستان وبلىسىنىڭ اۋدان, قالالارىنان ىرىكتەۋدەن وتكەن 14 ۇمىتكەر قاتىسىپ اسقار سۇلەيمەنوۆتىڭ كوركەمدىگى جوعارى پروزالىق شىعارماسىنان ءۇزىندى وقىپ, ءتۇرلى اۆتورلاردىڭ نەمەسە ءوز شىعارماشىلىعىنان «اڭىز – عۇمىر, اسقار – جىر» ارناۋ ولەڭدەرىن وقىدى. قازىلار القاسىنىڭ شەشىمىمەن سوزاق اۋدانىنان ات قوسقان ۇمىتكەر اسحات ايدۇيسەنوۆ باس جۇلدەنى قانجىعاسىنا بايلادى. وعان 150 مىڭ تەڭگە اقشالاي جۇلدە تابىستالدى.
تەرىسكەيلىكتەر اسقار سۇلەيمەنوۆتىڭ مەرەيتويىمەن قاتار بيىل تالانتتى قالامگەر تاكەن الىمقۇلوۆ پەن توكپە كۇيدىڭ شەبەرى تولەگەن مومبەكوۆتىڭ 100 جىلدىعىن,ء باتيما باتىربەكوۆانىڭ 90 جىلدىعىن دا كەڭ كولەمدە اتاپ وتپەك. بۇگىندە ارنايى ءىس-شارالار كەستەسى ءتۇزىلىپ, اۋدان كولەمىندە, مەكتەپتەردە تانىمدىق ساباقتار وقىتىلىپ, تالانتتى تۇلعالاردى ەلگە جان-جاقتى ناسيحاتتايتىن جيىندار, رەسپۋبليكالىق عىلىمي-تەوريالىق كونفەرەنتسيا ۇيىمداستىرۋ ءۇشىن ءار-الۋان اۋقىمدى تىرلىكتەر اتقارۋ باستالىپ كەتتى.
عالىمجان ەلشىباي,
«ەگەمەن قازاقستان»
وڭتۇستىك قازاقستان وبلىسى
