پرەزيدەنت • 26 ناۋرىز، 2018

قازاقستان دەلەگاتسياسى پارلامەنتارالىق وداقتىڭ وتىرىسىنا قاتىستى

149 رەتكورسەتىلدى

قازاقستان پارلامەنتىنىڭ دەلەگاتسياسى 24-28 ناۋرىزدا پارلامەنتارالىق وداقتىڭ جەنەۆادا ءوتىپ جاتقان 138-ءشى اسسامبلەياسىنىڭ وتىرىسىنا قاتىسۋدا، دەپ حابارلايدى سەناتتىڭ ءباسپاسوز قىزمەتى.

دەلەگاتسيا قۇرامىندا سەناتورلار سەرگەي ەرشوۆ پەن ەرىك سۇلتانوۆ، سونداي-اق ءماجىلىس دەپۋتاتتارى باقتيار ماكەن مەن يرينا سميرنوۆا بار.

قازاقستان دەپۋتاتتارى قاتىسقان جالپى پىكىرسايىستار كوشىپ-قونۋشىلار مەن بوسقىندار قۇقىقتارىن قورعاۋعا بايلانىستى وزەكتى ماسەلەلەردى شەشۋگە ارنالدى. ورنىقتى دامۋعا قول جەتكىزۋ ءۇشىن بەيبىتشىلىكتى نىعايتۋ، سونداي-اق ورنىقتى دامۋ ماقساتتارىن ىسكە اسىرۋعا، اسىرەسە، جاڭارتىلاتىن ەنەرگيا كوزدەرى سالاسىنا جەكە سەكتوردى تارتۋ ماسەلەلەرى پارلامەنتارالىق وداقتاعى تۇراقتى كوميتەتتەردىڭ كۇن تارتىبىنە ەندى.

25 ناۋرىزدا قازاقستان پارلامەنتشىلەرى اسسامبلەيا اياسىندا وزبەكستان ولي ءماجىلىسى زاڭ شىعارۋ پالاتاسى دەموكراتيالىق ينستيتۋتتار، ۇكىمەتتىك ەمەس ۇيىمدار جانە ازاماتتاردىڭ ءوزىن-ءوزى باسقارۋ ورگاندارى كوميتەتىنىڭ توراعاسى اكمال سايدوۆ باستاعان دەلەگاتسيامەن كەزدەستى. جۇزدەسۋشىلەر ەكى مەملەكەتتىڭ ستراتەگيالىق ارىپتەستىگىن نىعايتۋداعى پرەزيدەنتتەر ن.نازارباەۆ پەن ش.ميرزيوەۆتىڭ ۇلەستەرىن اتاپ ءوتتى.

قازاقستان پارلامەنتىنىڭ وكىلدەرى «ەكسپو-2017» حالىقارالىق كورمەسىنە قاتىسقانى ءۇشىن وزبەكستانعا العىس ايتتى جانە «جاسىل» تەحنولوگيالاردى دامىتۋ ورتالىعى مەن «استانا» حالىقارالىق قارجى ورتالىعىنىڭ اشىلۋىنا بايلانىستى الداعى مۇمكىندىكتەر تۋرالى اڭگىمەلەدى. اڭگىمە بارىسىندا پارلامەنتارالىق ءوزارا ءىس-قيمىل مەن زاڭ شىعارۋ سالاسىنداعى تاجىريبە الماسۋدىڭ كەلەشەگىتۋرالى دا ايتىلدى.

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار