«ەگەمەن اكادەمياسى» – مەديا قىزمەتكەرلەرىنە جانە ستۋدەنتتەرىنە ءبىلىمىن شىڭداۋعا, بىلىكتىلىگىن ارتتىرۋعا جانە زاماناۋي ترەندتەرمەن تانىسۋعا مۇمكىندىك بەرەتىن وقۋ الاڭى.
جوبانىڭ ماقساتى – قازاقتىلدى باسىلىم ماماندارىنىڭ ءبىلىمىن ارتتىرىپ, سالالىق جۋرناليستيكاعا بەيىمدەۋ, سونداي-اق وزەكتى تاقىرىپتار توڭىرەگىندە تالقىلاۋ الاڭىن كەڭەيتۋ.
جوبا كەلەسى مىندەتتەردى اتقارادى:
- جۋرناليستيكا ماماندىعىندا وقيتىن جاستاردىڭ ءبىلىمىن شىڭداۋ;
- ءوڭىر جۋرناليستەرىنىڭ بىلىكتىلىگىن ارتتىرۋ;
- سالالىق تاقىرىپتار بويىنشا مامانداردىڭ قاتىسۋىمەن لەكتسيا مەن سەمينار وتكىزۋ;
- قوعامدا بولىپ جاتقان وزەكتى تاقىرىپتار بويىنشا ديسكۋسسيا الاڭىن ۇسىنۋ;
- قازاق جۋرناليستيكاسى ماسەلەلەرىن كوتەرۋ.
فورماتىنا كەلەر بولساق, «ەگەمەن اكادەمياسى» ۇزدىكسىز قىزمەت ەتەدى جانە ونىڭ شارالارى تىكەلەي ەفيردە Egemen.kz سايتىندا جانە الەۋمەتتىك جەلىلەردە كورسەتىلەدى. جوبا ءۇش ايدان تۇراتىن كۋرستارعا بولىنگەن. ءار كۋرس اياقتالعان كەزدە وتكەن ساباقتار بويىنشا تانىمدىق ماقالا, ەسسە جانە ساراپتامالىق ماتەريال جازعان بەلسەندى قاتىسۋشىلارعا ارنايى سەرتيفيكات تابىستالادى. جوبا شارالارى: شەبەرلىك ساعاتى, لەكتسيا جانە سەمينار, ترەنينگ جانە ديسكۋسسيا تۇرىندە وتەدى.
العاشقى ماۋسىم ۇستىمىزدەگى جىلدىڭ 29 ناۋرىزىندا باستالماق. قاتىسامىن دەۋشىلەر جوبانىڭ www.egemen.academy سايتىنا كىرىپ, تىركەلە الادى.
سۇراقتار بويىنشا +7 7172 37 60 74, +7 7172 37 56 80 نومىرلەرىنە قوڭىراۋ شالىپ, academy@egemen.kz ەلەكتروندى پوشتاسىنا جازا الاسىزدار.
