قازىرگى ۋاقىتتا نانتەر قالاسىنداعى پوليتسيا ۋچاستكەسىندە ەكس-پرەزيدەنتتەن جاۋاپ الىنىپ جاتىر.
نيكوليا ساركوزي 2007 جىلى پرەزيدەنتتىك سايلاۋ ناۋقانى كەزىندە ورەسكەل زاڭبۇزۋشىلىققا جول بەرگەنى بويىنشا تەرگەلىپ جاتىر. ياعني ليۆيا تاراپىنىڭ زاڭسىز قارجىلاندىرۋىن پايدالاندى دەگەن ايىپ بويىنشا تەرگەلىپ وتىر.Le Monde باسىلىمىنىڭ اقپارىنشا الداعى 48 ساعات بويى ودان جاۋاپ الىنادى. وسىدان كەيىن سوت بيلىگى وعان رەسمي تۇردە ايىپ تاعۋى مۇمكىن.
وسى ءىس بويىنشا بۇرىنعى پرەزيدەنتتەن العاش رەت تەرگەلىپ وتىر. وسىعان دەيىن زاڭسىز ارەكەتكە قاتىسى بار ەكى كۇدىكتى 2007 جىلى قولما-قول ءبىر ملن ەۋرونىڭ تريپوليدەن پاريجدەگى ساركوزيدىڭ توبىنا جەتكىزىلگەنىن مويىنداعان. ال ليۆيانىڭ بۇرىنعى ينۆەستيتسيالىق قورىنىڭ ەكس-باسشىسى باشير سالەح ەلدىڭ بۇرىنعى كوشباسشىسى مۋاممار كاددافي ساركوزيدىڭ ۇجىمىن قارجىلاندىرعانى تۋرالى اقپاراتتى راستادى.
