«كوكتەمگى ەگىستىك جۇمىستارىنا بايلانىستى ۇكىمەت تاراپىنان ءىس-شارالاردىڭ بارلىعىنىڭ شەشىمى تابىلىپ, قابىلداندى. قارجى ءبولۋ, جانار-جاعارماي, تىڭايتقىش ماسەلەسى شەشىلدى. ەندى باقىلاۋعا الىپ, جۇمىستى ۋاقىتىندا باستاپ كەتۋ, ومىرزاق ەستاي ۇلى (قر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى- اۆت.) ءسىزدىڭ باقىلاۋىڭىزدا», - دەدى ۇكىمەت باسشىسى.
ايتا كەتەرلىگى, ۇكىمەت وتىرىسىندا قر اۋىل شارۋاشىلىعى ءبىرىنشى ۆيتسە-ءمينيسترى ارمان ەۆنيەۆ كوكتەمگى ەگىستىك جۇمىستارى جايىندا بايانداما جاسادى.
ونىڭ ايتۋىنشا, 2018 جىلى ەگىس القاپتارى 21,8 ملن گەكتاردى قۇراماق. بۇل ءىس جۇزىندە وتكەن جىلعى دەڭگەيدە. ءداندى داقىلداردى 14,7 ملن گەكتار القاپقا سەبۋ جوسپارلانۋدا, ونىڭ ىشىندە بيداي - 11,4 ملن گەكتار. سونىمەن قاتار, ول اعىمداعى جىلى ديقانداردىڭ كوكتەمگى دالا جۇمىستارىنا ارنالعان ديزەل وتىنىنا دەگەن قاجەتتىلىگى 370 مىڭ توننانى قۇرايتىندىعىن ايتتى.
