باقىتجان ناماەۆ 1964 جىلى تۋعان. س.كيروۆ اتىنداعى قازاق مەملەكەتتىك ۋنيۆەرسيتەتىنىڭ «ساياسي ەكونوميا», ق. ساتپاەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ «مۇناي-گاز قۇبىرلارى مەن قويمالارىن جوبالاۋ, سالۋ جانە پايدالانۋ» ماماندىقتارى بويىنشا ءبىلىم العان.
سونىمەن بىرگە, م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ اسپيرانتۋراسىن بىتىرگەن. ەكونوميكا عىلىمدارىنىڭ كانديداتى.
ەڭبەك جولىن 1985 جىلى وسكەمەن قۇرىلىس-جول ينستيتۋتى جالپىتەحنيكالىق فاكۋلتەتىنىڭ اسسيستەنتى رەتىندە باستاعان.
ءوزىنىڭ ەڭبەك جولىندا باقىتجان ءبىلال ۇلى جەكە سەكتور مەن «قازمۇنايگاز» ۇلتتىق كومپانياسىنىڭ جۇيەسىندە جاۋاپتى باسشىلىق لاۋازىمداردا قىزمەت اتقارعان.
وسى قىزمەتكە تاعايىندالماس بۇرىن, ول «باتۋمي مۇناي تەرمينالى» كومپانياسىنىڭ باس ديرەكتورى لاۋازىمىندا بولعان.
