ق.توقاەۆ كىرىسپە سوزىندە الداعى سەزدىڭ وتەتىن ۋاقىتى ونىڭ 15 جىلدىعىمەن تۇسپا-تۇس كەلەتىنىن اتاپ ءوتتى. «بۇل مەرزىمدە فورۋم الەم قوعامداستىعى تاراپىنان كەڭىنەن مويىندالدى, قازاقستاننىڭ سىرتقى ساياساتىنىڭ تانىمال برەندىنە اينالدى. سەزدىڭ دىندەر مەن مادەنيەتتەر اراسىنداعى جاھاندىق ۇنقاتىسۋدى ىلگەرىلەتۋگە قوسقان ۇلەسى بۇۇ باس اسسامبلەياسىنىڭ قارارلارىندا اتاپ ءوتىلدى», دەدى سەنات توراعاسى.
ق.توقاەۆ فورۋمعا ازىرلىك جونىندەگى شارالار جوسپارىنا سايكەس, ءتيىستى مەكەمەلەرگە تاپسىرما بەردى. سەزد حاتشىلىعىنىڭ باسشىسى دىنارالىق ۇنقاتىسۋعا قوسقان ۇلەسى ءۇشىن استانا حالىقارالىق سىيلىعىن بەرۋگە جانە سەزدىڭ قۇرمەتتى مەدالىمەن ماراپاتتاۋعا, سونداي-اق بەيبىتشىلىك جانە كەلىسىم مۇراجايىنىڭ اشىلۋىنا بايلانىستى ماسەلەلەردى مۇقيات پىسىقتاۋعا شاقىردى. سەنات اپپاراتىنىڭ باسشىسى, مەملەكەتتىك كوميسسيانىڭ حاتشىسى سەرىك سىدىقوۆ باسقاراتىن سەزدىڭ ۇيىمداستىرۋ كوميتەتى ازىرلىك جۇمىستارىن ۇيلەستىرەتىن بولادى.
سىرتقى ىستەر ءمينيسترى قايرات ءابدىراحمانوۆ, ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ, مادەنيەت جانە سپورت ءمينيسترى ارىستانبەك مۇحامەدي ۇلى, استانا اكىمىنىڭ ورىنباسارى ەرمەك امانشاەۆ VI سەزگە ازىرلىك جونىندەگى اتقارىلعان جۇمىستار تۋرالى ءسوز سويلەدى.
