اسكەري پوليگوندا وتكەن وقۋ-جاتتىعۋدىڭ باستى ماقساتى - باتالوندار مەن ديۆيزيالاردىڭ دايىندىعىن ارتتىرۋ, ولاردىڭ جاۋىنگەرلىك تاپسىرمانى ورىنداۋداعى جىلدامدىقتارى مەن دالدىكتەرىن كۇشەيتۋ. سونداي-اق, وقۋ-جاتتىعۋعا قاتىسۋشىلاردىڭ پسيحولوگيالىق جانە اسكەري دايىندىعىن كۇشەيتۋ دە نەگىزگى مىندەتتىڭ ءبىرى.
-«شىعىس» اسكەري دالالىق پوليگونىندا ءجۇرىپ جاتقان وقۋ-جاتتىعۋعا 40398 اسكەري ءبولىمى قاتىستى,-دەدى «شىعىس» وڭىرلىك اسكەرلەر قولباسشىلىعىنىڭ قولباسشىسى, گەنەرال-مايور نۇرلان قاشاعانوۆ,-سونداي-اق, 28738, 10810, 10181, 30217, 44736, 44793, 32355-ك, 02352 اسكەري بولىمدەرى دە كەز كەلگەن ساتتە ەل مەن جەر قورعاۋعا دايىن بولۋ جاتتىعۋ جۇمىستارىنا بەلسەنە اتسالىستى. 600 اسكەري تەحنيكا, 2000 جەكە قۇرام جانە ارنايى اۋە كۇشى جاتتىعۋ الاڭىندا ەكى كۇن بويى ءجۇردى.
«شىعىس» اسكەري وڭىرلىك قولباسشىلىعى وزدەرىنىڭ جاتتىعۋلارىن سەمەيدەن باستاپ, اياگوز اۋدانى مەن الماتى وبلىسىنىڭ ءۇشارال ەلدى-مەكەنىندەگى اۋماقتى قامتىدى.
راۋشان نۇعمانبەكوۆا
سەمەي
