14 ناۋرىزدا ۇكىم شىعارعان سۋديا 37 جاستاعى بيشىمباەۆتى قىلمىستىق كودەكستىڭ 28-بابىنىڭ 3-ءبولىمى («قىلمىستىق قۇقىق بۇزۋشىلىق جاساۋدى ۇيىمداستىرعان نەمەسە ونىڭ ورىندالۋىنا باسشىلىق ەتۋ, سول سياقتى قىلمىستىق توپتى قۇرۋ نە وعان باسشىلىق ەتۋ»), 189-بابى 4-ءبولىمىنىڭ 2-تارماعى («توپ بولىپ نەمەسە استىرتىن ءسوز بايلاسىپ, سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋدى ۇيىمداستىرۋ») بويىنشا ايىپتى دەپ تانىدى. سوت سونىمەن قاتار بيشىمباەۆتى ءومىربويى مەملەكەتتىك باسشىلىق قىزمەتتى اتقارۋ قۇقىعىنان ايىرىپ, قىلمىستىق جولمەن الىنعان مۇلكىن تاركىلەۋگە ۇكىم كەستى.
سوت ۇكىمى بويىنشا, بيشىمباەۆ جازاسىن قاتاڭ رەجيمدەگى كولونيادا وتەيدى. جازا مەرزىمى ول قاماۋعا الىنعان 2017 جىلدىڭ 10 قاڭتارىنان ەسەپتەلمەك.
سوتتا پروكۋرورلار بيشىمباەۆتى 12 جىلعا باس بوستاندىعىنان ايىرۋدى, وعان قوسا مۇلكىن تاركىلەۋدى سۇراعان بولاتىن. ال ەكس-مينيستر وزىنە تاعىلعان ايىپتى جوققا شىعارىپ وتىر.
