دۇنيەجۇزىلىك يسلام ەكونوميكالىق فورۋمىن 2006 جىلى مالايزيا ۇكىمەتىنىڭ قولداۋىمەن ديەف قورى ۇيىمداستىرعان. ديەف يسلام جانە ەۋروپالىق مەملەكەتتەردىڭ ىسكەرلىك قوعام وكىلدەرى اراسىنداعى ەكونوميكالىق ىنتىماقتاستىقتى دامىتۋ, سونداي-اق يسلام قارجىلاندىرۋ قۇرالدارىن پايدالانا وتىرىپ, كاسىپكەرلىك پەن ينۆەستيتسيالىق قىزمەتتەرگە قوسىمشا مۇمكىندىكتەرىن بەرۋ ماسەلەلەرى جونىندە يسلام ىنتىماقتاستىق ۇيىمىنا (يىۇ) مۇشە مەملەكەتتەردىڭ نەگىزگى پىكىر الماسۋ الاڭى بولىپ تابىلادى.
يسلامدىق قارجىلاندىرۋدىڭ الەمدىك نارىعى 2 ترلن-عا جۋىق اقش دوللارىن قۇرايدى. يسلامدىق قارجى قازاقستان رەسپۋبليكاسىنا شەتەلدىك ينۆەستيتسيالاردىڭ الەۋەتتى كوزى جانە احقو قىزمەتىنىڭ بەس باسىمدىقتارىنىڭ ءبىرى بولىپ تابىلادى.
XIV ديەف-ءتىڭ استانادا وتكىزىلۋى احقو-نىڭ تمد, باتىس جانە ورتالىق ازيا مەملەكەتتەرى ءۇشىن يسلامدىق قارجىلاندىرۋدىڭ وڭىرلىك حابى رەتىندە قالىپتاسۋىنا كومەكتەسەدى, سونداي-اق يىۇ ەلدەرىنىڭ ىسكەرلىك ورتاسىنىڭ اراسىندا احقو-نىڭ قىزمەتى تۋرالى اقپاراتتىڭ تارالۋىن قامتاماسىز ەتەدى.
شاراعا الەمنىڭ ءار تۇكپىرىنەن مىڭنان استام جوعارى مارتەبەلى قوناقتار قاتىسادى دەپ كۇتىلۋدە.
