ناۋقاستار مەديتسينالىق كومەكتى ءبىر جەردە الۋى ءۇشىن 2018 جىلى استانادا كوپبەيىندى ستانتسيونارلار قۇرىلا باستايدى. قالالىق دەنساۋلىق ساقتاۋ باسقارماسى باسشىسىنىڭ ورىنباسارى تيمۋر مۇراتوۆتىڭ ايتۋىنا قاراعاندا, كوپبەيىندى اۋرۋحانالار ەكى ادىسپەن قۇرىلماق.
ء«بىرىنشى كەزەكتە, مۇنداي مەديتسينالىق ۇيىمداردى جاڭادان قۇراتىن بولامىز. ولار كوپبەيىندىلىك ءتيپى بويىنشا جوبالانىپ, جوسپارلاناتىن بولادى.ء بىز قانداي كوپبەيىندىلىك جايلى ايتىپ وتىرمىز؟ مۇنداي اۋرۋحانا كەشەنى بوساندىرۋ بولىمشەسىنەن ونكولوگيالىق اۋرۋلاردى ەمدەيتىن بولىمدەرگە دەيىنگى بولىمدەرىمەن قامتىلادى», – دەدى استانا قالاسى دەنساۋلىق ساقتاۋ باسقارماسى باسشىسىنىڭ ورىنباسارى ءباسپاسوز ءماسليحاتى بارىسىندا.
كوپبەيىندى ستانتسيونارلاردى قۇرۋ ادىستەرىنىڭ ەندى ءبىرى – بۇگىنگى تاڭدا جۇمىس ىستەپ تۇرعان مەديتسينالىق قىزمەتتەردى بىرىكتىرۋ ارقىلى ىرىلەندىرۋ.
«بولاشاقتا بولەك ونكولوگيالىق, ناركولوگيالىق, پسيحياتريالىق جانە ينفەكتسيالىق قىزمەتتەر بىرتىندەپ جويىلاتىن بولادى. بۇل قىزمەتتەردىڭ بارلىعى بەيىندى ستانتسيونارلاردىڭ قۇرامىنا كىرەتىن بولادى. دالىرەك ايتقاندا, 2018 جىلدان 2025 جىلعا دەيىن قازىرگى كۇنى جۇمىس ىستەپ تۇرعان اۋرۋحانالاردى ءبىر-بىرىمەن بىرىكتىرىپ, ىرىلەندىرۋ ارقىلى مەديتسينالىق كومەك كورسەتەتىن ۇلكەن ۇيىمعا اينالدىرۋعا تىرىساتىن بولامىز», – ناقتىلادى تيمۋر مۇراتوۆ.
