اتاپ ايتقاندا, جاڭاوزەن قالالىق تۇرعىن-ءۇي كوميسسياسىنىڭ مۇشەلەرى - قالالىق تۇرعىن-ءۇي كوممۋنالدىق شارۋاشىلىعى جانە تۇرعىن ءۇي ينسپەكتسياسى ءبولىمىنىڭ باسشىسى ن.مۋستافاەۆقا, قالالىق ەكونوميكا جانە قارجى ءبولىمىنىڭ باسشىسى ر.دجانتلەۋوۆاعا جانە ماڭعىستاۋ وبلىسىنىڭ جاستار ساياساتى ماسەلەلەرى باسقارماسى باسشىسىنىڭ ورىنباسارى م.حاجگەرەەۆكە قاتىستى تارتىپتىك ىستەر.
سونىڭ ىشىندە, كورسەتىلەتىن قىزمەتتى الۋشى تۇرعىن ءۇيىن جەكەشەلەندىرۋ ماسەلەسى بويىنشا جۇمىسشى ورگانى مەن تۇرعىن ءۇي كوميسسياسى تاراپىنان 2 اي بويى قىزمەت الۋشىنى اۋرە-سارساڭعا سالىپ, ونىڭ زاڭدى مۇددەسىن بۇزىپ, تەك ونىڭ بىرنەشە رەت شاعىمدانۋىنان كەيىن عانا ءتيىستى شەشىم قابىلداۋ ارقىلى زاڭبۇزۋشىلىققا جول بەرگەنى ءۇشىن جاڭاوزەن قالالىق تۇرعىن-ءۇي كوميسسياسىنىڭ مۇشەسى – جاڭاوزەن قالالىق ەكونوميكا جانە قارجى ءبولىمىنىڭ باسشىسى ر.دجانتلەۋوۆاعا ادەپ كودەكسىنىڭ تالابىنا سايكەس «ەسكەرتۋ» تۇرىندە تارتىپتىك جازا قولدانۋ ۇسىنىلدى. ال, جاڭاوزەن قالالىق تۇرعىن ءۇي كوممۋنالدىق شارۋاشىلىعى جانە تۇرعىن-ءۇي ينسپەكتسياسى ءبولىمىنىڭ باسشىسى ن.مۋستافاەۆتىڭ ءوز ەركىمەن مەملەكەتتىك قىزمەتتەن بوساتىلۋىنا بايلانىستى وعان قاتىستى تارتىپتىك ءىس قىسقارتىلدى.
كەلەسى تارتىپتىك ءىس ماڭعىستاۋ وبلىسىنىڭ جاستار ساياساتى ماسەلەلەرى باسقارماسى باسشىسىنىڭ ورىنباسارى م.حاجگەرەەۆكە قاتىستى بولدى.
كەڭەس مۇشەلەرى تەكسەرۋ قۇجاتتارىن تالقىلاي كەلە, م.حاجگەرەەۆتىڭ استانا قالاسىندا ءىس-ساپاردا بولعان كەزىندە ادەپ كودەكسى تالاپتارىن ءتيىستى دەڭگەيدە ساقتاماعانى ءۇشىن «ەسكەرتۋ» تۇرىندە تارتىپتىك شارا قولدانۋ جونىندە شەشىم قابىلدادى.
بۇدان باسقا, ماڭعىستاۋ وبلىسىنداعى جەرگىلىكتى اتقارۋشى ورگانداردا 2017 جىلى كورسەتىلگەن مەملەكەتتىك قىزمەتتەردىڭ جاي-كۇيى تۋرالى ماڭعىستاۋ وبلىسى اكىمى اپپاراتىنىڭ باسشىسى ا.رزاحانوۆتىڭ, اقتاۋ قالاسى اكىمى اپپاراتىنىڭ, ادەپ جونىندەگى ۋاكىلى گ.قالمۇراتوۆانىڭ جانە ماڭعىستاۋ وبلىسى بويىنشا قوعامدىق دەنساۋلىق ساقتاۋ دەپارتامەنتىندە مەملەكەتتىك قىزمەت, سىبايلاس جەمقورلىققا قارسى ءىس-قيمىل زاڭنامالارىنىڭ جانە ادەپ كودەكسى تالاپتارىنىڭ ورىندالىسى بويىنشا دەپارتامەنت باسشىسى ب.ۋتەسينوۆتىڭ ەسەپتەرى تىڭدالدى.
ادەپ جونىندەگى كەڭەس مۇشەلەرى ماجىلىسكە قاتىسقان مەكەمە باسشىلارىنىڭ ەسەپتەرىن نازارعا الا وتىرىپ, قىزمەت بارىسىندا مەملەكەتتىك قىزمەت, سىبايلاس جەمقورلىققا قارسى ءىس-قيمىل, مەملەكەتتىك كورسەتىلەتىن قىزمەتتەر تۋرالى زاڭنامالارىنىڭ جانە ادەپ كودەكسى تالاپتارىن باسشىلىققا الۋ بويىنشا بىرقاتار ءتيىستى جۇمىستار مەن اتقارىلاتىن شارالار جونىندە ۇسىنىستار قابىلدادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
