ءىت تەحنولوگياسىنا قاتىستى مامانداردى, ينجەنەر كادرلارىن كوبىرەك دايىنداۋ قولعا الىناتىن بولدى. ءتورتىنشى ونەركاسىپتىك رەۆوليۋتسيانى جۇزەگە اسىرۋ ماقساتىندا العا قويىلعان مىندەتتەردى ىسكە اسىرىپ, ناتيجەگە قول جەتكىزۋ ءۇشىن بۇل اسا قاجەت ەدى.
قازىرگى كەزدە جوعارى وقۋ ورىندارىندا جاتاقحانالار جەتىسپەيتىنى بەلگىلى. ستۋدەنت جاستاردىڭ ءبىر بولىگى پاتەر جالداپ تۇرادى. باسپانانىڭ جايسىزدىعى وقۋ ساپاسىنىڭ تومەندەۋىنە اكەلىپ سوعادى. سوندىقتان ەلباسىنىڭ ءبىر-ەكى جىلدىڭ كولەمىندە جاتاقحاناعا مۇقتاج بولىپ جۇرگەن ستۋدەنت جاستارعا جاتاقحانا سالىپ بەرۋ جانە ونى مەملەكەت-جەكەمەنشىك ارىپتەستىگى قاعيدالارى بويىنشا قولعا الۋ تۋرالى ايتقان ۇسىنىسى ۋاقىتقا وتە ساي بولدى. دامىعان كومپانيالار مەن بيزنەستە جۇرگەن جاندار بىرلەسە قارجى سالىپ, جاتاقحانا قۇرىلىستارىن قولعا الاتىن بولسا, بىتپەيتىن ءىس جوق. تاعى ءبىر ايتا كەتەتىن ماسەلە – جەكەمەنشىك تۇرعىن ءۇي سالۋ ماسەلەسى. بۇل حالىققا ءتيىمدى. باسقانى ايتپاعاندا, قۇرىلىس قارقىنى وسسە, ءبىراز ادام جۇمىسپەن قامتىلادى.
شاعىن جانە ورتا بيزنەس داميدى, ءۇي قۇرىلىسى كەڭ ءورىس الادى جانە جۇمىس ورىندارى كوبەيەدى. ماسەلەن ءبىر مىڭ ادامعا ميكروكرەديت بەرەتىن بولسا, ءبىر ادام كەمىندە بەس ادامعا جۇمىس بەرەدى, ءىستى ىلگەرىلەتىپ, كاسىپتى قولعا الادى. وسى تۇرعىدان العاندا حالىقتىڭ ءال-اۋقاتىن جاقسارتۋعا جول اشىلادى دەپ ويلايمىن.
بىرعانىم ءايتىموۆا,
سەنات دەپۋتاتى
