EQAR — 2005 جىلدان باستاپ ساپا كەپىلدىگىنىڭ اشىقتىعىن ارتتىرۋ جانە ەۋروپالىق ەلدەر اۋماعىندا جۇمىس ىستەيتىن اگەنتتىكتەر تۋرالى اقپارات بەرۋ ارقىلى ەۋروپالىق جوعارى ءبىلىم بەرۋ كەڭىستىگىن ودان ءارى دامىتۋدى قامتاماسىز ەتەتىن نەگىزگى ۇيىم. 2017 جىلعى 20 ماۋسىمدا اككرەديتتەۋ جانە رەيتينگتىڭ تاۋەلسىز اگەنتتىگى تىركەۋ كوميتەتىنىڭ شەشىمىمەن ءبىلىم بەرۋ ساپاسىن قامتاماسىز ەتۋدىڭ ەۋروپالىق تىزىلىمىنە ەنگىزىلدى. EQAR-عا قوسىلۋ — اككرەديتتەۋ ورگاندارىنىڭ ەڭ ۇلكەن جەتىستىگى جانە ولاردى مويىنداۋ بەلگىسى دەۋگە بولادى. بۇگىندە ەۋروپالىق ساپا كەپىلدىگىنىڭ تىزىلىمىنە 22 ەلدىڭ 44 اگەنتتىگى كىرەدى.
قازاقستان بولون پروتسەسىنە قاتىساتىن الەمنىڭ 48 ەلىنىڭ ىشىندە 23-ەل بولدى. ارتا تانىلعان اگەنتتىك مارتەبەسىن الۋى ونىڭ جوعارى حالىقارالىق ستاندارتتارعا سايكەس كەلۋىنىڭ دالەلى ءارى سەنىم كۋالىگى بولىپ تابىلادى.
ارتا جانە EQAR حالىقارالىق سەمينارى قازاق ۇلتتىق حورەوگرافيا اكادەمياسى نەگىزىندە ۇيىمداستىرىلدى.
EQAR پرەزيدەنتى Karl Dittrich, نيدەرلاندى جوعارى ءبىلىم بەرۋ ينسپەكتوراتىنىڭ ديرەكتورى Hendrik Michael (Erik) Martijnse, ارتا ديرەكتورى الينا باقىتجانقىزى جۇماعۇلوۆا جانە ارتا ساراپتاما كەڭەسىنىڭ ءتورايىمى مارينا الەكساندروۆنا سكيبا سەميناردىڭ باستى سپيكەرلەرى بولادى.
حالىقارالىق سەميناردىڭ نەگىزگى ماقساتى — قر جوو-لارىن سىرتقى باعالاۋ بويىنشا كاسىبي قاۋىمداستىقتى قالىپتاستىرۋ جانە بولون پروتسەسىنىڭ سوڭعى ۇردىستەرىن ءتۇسىندىرۋ ءۇشىن ارتا ساراپشىلارىنىڭ بىلىكتىلىگىن ارتتىرۋ.
سەميناردا كەلەسى ماسەلەلەر قاراستىرىلادى:
بولون پروتسەسىن دامىتۋدىڭ ماڭىزدىلىعى مەن ىلگەرىلەۋى;
ءبىلىم ساپاسىن قامتاماسىز ەتۋدەگى EQAR ءرولى;
ساياسات جانە ۋنيۆەرسيتەتتەر: پروبلەمالار مەن ساپانى قامتاماسىز ەتۋ جولدارى;
سىرتقى ساپا كەپىلدىگى بويىنشا ەسەپتى قالىپتاستىرۋدىڭ تاسىلدەرى;
ءبىلىم بەرۋدى باعالاۋ جانە ەسەپتەردى دايارلاۋ ساپاسى;
اككرەديتتەۋ جۇمىستارىن جۇرگىزۋدەگى ساراپشىلاردىڭ ءرولى;
اتالعان حالىقارالىق سەمينار ساراپتاۋ قاۋىمداستىعىنا ءبىلىم بەرۋ باعدارلامالارىن جوعارى دەڭگەيدە باعالاۋعا جانە تاۋەلسىز حالىقارالىق اككرەديتتەۋ ۇردىسىندە وزدەرىنىڭ كاسىبي داعدىلارىن قولدانۋعا مۇمكىندىك بەرەدى. حالىقارالىق سەميناردىڭ سوڭىندا ساراپشىلارعا بىلىكتىلىكتى ارتتىرعاندارى تۋرالى سەرتيفيكاتتار بەرىلەدى.
