وبلىستىق جاستار ساياساتى ماسەلەلەرى جونىندەگى باسقارما باسشىسى روللان قۇسپاننىڭ ايتۋىنشا, دۇيسەنبى, 12 ناۋرىز كۇنى شىعىس قازاقستان وبلىسىندا سۋ تاسقىنىنان زارداپ شەككەندەرگە گۋمانيتارلىق كومەك جيناۋ ءۇشىن جاستار رەسۋرستىق ورتالىعى بازاسىندا شتاب اشىلعان.
– بۇل باستامانى بارلىق جاستار ۇيىمدارى قىزۋ قولدادى, - دەيدى روللان قۇسپان. – گۋمانيتارلىق كومەك 19 ناۋرىزعا دەيىن جينالادى. سودان كەيىن شىعىس قازاقستان وبلىسىنا جونەلتەمىز. ءبىزدىڭ ەرىكتىلەرىمىز دە سۋ تاسقىنى بولعان جەرلەرگە بارىپ, قولدارىنان كەلەتىن كومەكتەرىن كورسەتۋگە نيەتتى.
سونداي-اق, اتىراۋ وبلىسى اكىمى اپپاراتى مەن باسقارمالار سۋ تاسقىنىنان زارداپ شەككەندەرگە قارجىلاي كومەك جيناپ جاتىر. مەملەكەتتىك قىزمەتشىلەردىڭ ءبىر كۇندىك ەڭبەكاقىلارى ارنايى ەسەپشوت اشىلعاننان كەيىن سۋ تاسقىنىنان زارداپ شەككەندەردىڭ ەسەپشوتتارىنا اۋدارىلادى.
