وليمپيادالىق رەزەرۆتەگى بالالار مەن جاسوسپىرىمدەر سپورت مەكتەبىنىڭ № 2 شاڭعى بازاسىندا قۇقىق قورعاۋ ورگاندارى مەن قارۋلى كۇشتەر قىزمەتكەرلەرىنىڭ اراسىندا شاڭعى مەن قار ۇستىندەگى فۋتبولدان سپارتاكيادا وتكىزىلدى.
«دينامو» دەنەشىنىقتىرۋ سپورت قوعامىنىڭ سەمەي قالاسىنداعى فيليالى باستىعى ورىنباسارى سامات قونىسپەكوۆتىڭ ايتۋىنشا, وسىنداي ءىس-شارالار قۇقىق قورعاۋ قىزمەتكەرلەرىنىڭ سالاۋاتتى ءومىر سالتىن ۇستانۋىنا ءتيىمدى اسەر ەتەدى. شاڭعى جارىسىنا 10 كوماندا قاتىستى, ايەلدەر 1 كم, ەرلەر 3 كم اراقاشىقتىققا شاڭعىمەن جۇگىردى.
ايەلدەر اراسىندا 1 شاقىرىم اراقاشىقتىقتاعى شاڭعى جارىسىنان قر مامانداندىرىلعان كۇزەت قىزمەتى باسقارماسىنان ايگەرىم مۇحتاربەكوۆا جانە دانارا يبراگيموۆالار ءبىرىنشى ورىندى, ال ەكىنشى ورىندى زاتون پوليتسيا ءبولىمىنىڭ قاتىسۋشىلارى الينا بەككوجينا جانە اقەركە ساكەنوۆالار يەلەندى. ەرلەر اراسىندا جۇلدەلى ورىندار كەلەسى ويىنشىلارعا بۇيىردى, اتاپ ايتقاندا 1-ءىنشى ورىن 5511 اسكەري ءبولىمىنىڭ ويىنشىلارى سايات ەرعاليەۆ جانە ارمان الىمعازينگە بۇيىردى. ەكىنشى ورىن سەمەي قالاسىنداعى توتەنشە جاعدايلار باسقارماسىنىڭ قاتىسۋشىلارى جاقسىلىق ساعيەۆ جانە ارمان بادراەۆقا بەرىلدى.
– قار ۇستىندەگى فۋتبول دوداسىنا 8 كوماندا قاتىستى. ويىن وليمپيادالىق جۇيەمەن وتكىزىلدى, - دەيدى سامات قونىسپەكوۆ, - فينالعا جەدەل قيمىل ارنايى جاساعى جەتىپ, سەمەي قالالىق تجب كومانداسى ەكىنشى ورىنعا شىقتى. جەڭىمپاز جانە جۇلدەگەر كوماندالار ديپلومدارمەن, كۋبوكتارمەن ماراپاتتالدى.
راۋشان نۇعمانبەكوۆا
سۋرەتتەر اۆتوردىكى
سەمەي
