قۇرمانعازىنى ەل بولىپ قۇرمەتتەۋ پارىز

الايدا ۇلتتىق مۇرامىز­دىڭ جان­دانۋىنا تەڭدەسسىز ۇلەس قوس­قان ۇلى كۇيشى-كوم­پو­زيتورعا ار­نالعان ءىس-شارانىڭ ۇلان-باي­تاق ەلىمىزدىڭ ءبىر عانا با­تىس وڭى­رىمەن شەكتەلۋى ەش قي­سىن­­ع­ا كەل­مەيدى. باسقا وڭىرلەر قۇر­مان­عازىعا جات پا ەدى؟

كۇي ۇلتىمىزدىڭ ءۇنى مەن ءسوزى بولعان, حالقىمىز دۇ­نيە­گە اكەل­گەن كور­كەم قۇن­دى­­­لىق­تاردىڭ شى­ڭى. ال قۇر­مانعازى ۇلت ما­دە­نيەتىنىڭ اسىل قازىناسىنا ول­شەۋ­سىز ۇلەس قوسقان, الەمدىك دەڭ­گەي­­گە شىعار­عان ونەر يەسى. حال­قى­­­مىز ءۇشىن كۇي مەن قۇر­مانعازى ەسىمى ءبىر-بىرى­مەن اس­تاسىپ كەتكەن ۇعىم. قۇر­مان­عازى ءبىر وبلىستىڭ نە­مەسە ءبىر ايماقتىڭ پەرزەنتى ەمەس. ول ۇلتىمىزعا, ەلىمىزگە ور­تاق, ادامزات مادەنيەتىنىڭ تا­ري­حىن­­دا وشپەس ءىز قالدىرعان تۇلعا.

قۇرمانعازى ساعىرباي ۇلى­نىڭ 200 جىلدىعىن اتاپ ءوتۋ كۇي­­شىنى ۇلىقتاۋ عانا ەمەس ەڭ الدى­مەن حالقىمىزدىڭ ءتول ونەرى – كۇي­دى ەل ءىشى مەن شەت مەملەكەت­تەردە كەڭىنەن ناسيحاتتاۋ ماقساتىن كوزدەۋى كەرەك. ەلباسى ءوزىنىڭ ماقا­لا­سىندا: «حالقىمىزدىڭ تاريحي, ومىرشەڭ تاربيە بەرەر­لىك مۋزىكالىق مۇرا­لا­رىن ايت­قاندا داڭقتى بابامىز قۇر­مانعازىعا سوقپاي وتە المايمىز. قۇرمانعازى كۇيلەرىن ءوز ەلىمىزدە عانا ەمەس, شەتەلدەر اراسىندا دا ناسيحاتتاماي الەمدىك وركەنيەتتىڭ كوشىنە ىلەسۋ قيىن», – دەگەن ەدى.

سوندىقتان قۇرمانعازى ساعىر­باي ۇلىنىڭ 200 جىل­دىعىن مەم­لەكەتتىڭ مادە­نيەت سا­لا­سىنداعى الەۋ­مەت­تىك ما­ڭىزى بار ءىس-شاراسى مار­تە­بەسىندە وت­كىزۋ قا­جەت. بۇعان رەس­­پۋب­لي­­كانىڭ بارلىق اي­ماق­تا­رى, مادەنيەت پەن ىشكى سايا­سات جا­نە اقپارات سالاسىنداعى, باس­قا دا مەم­لە­كەت­تىك ورگاندار جۇمىل­دى­رىلۋى كە­رەك.

«بولاشاققا باعدار: رۋحاني جاڭعىرۋ» ماقالاسىندا ەلبا­سى قۇرمانعازىنىڭ كۇيلەرى عاسىر­لار قويناۋىنان جەتكەن بابالار ءۇنى ەكەنىن اتاپ كور­سەت­كەن. سوندىقتان كۇيشىنى مەم­لەكەتتىڭ ءبىر ايماعىندا عانا ەسكە الۋ قوعامدا كەڭىنەن تال­قى­لانىپ, سىنعا الىنىپ جۇرگەن جەر­شىلدىكتى قولمەن جاساعان­داي اسەر قالدىرارى دا ءسوزسىز.

وسى ايتىلعاندارعا بايلا­نىس­­تى ءبىز ۇكىمەت باسشىسى با­قىت­­جان ساعىنتاەۆتىڭ اتىنا دە­پۋتاتتىق ساۋال جولداپ, تو­مەن­دەگى شارالاردى وتكىزۋدى ۇسىن­­دىق:

- قۇرمانعازى ساعىرباي ۇلى­نىڭ 200 جىلدىعىن رەسپۋب­لي­كا­نىڭ بارلىق ايماقتارىندا اتاپ ءوتۋ­دىڭ كەشەندى ءىس-شارالار جوس­پارىن دايىنداۋ;

- شەتەلدەردە, ونىڭ ىشىن­دە تاۋ­ەلسىز مەملەكەتتەر دوستاس­تى­عى ەلدەرىندە كەڭىنەن ناسيحاتتاۋ جۇ­مىس­تارىن جۇرگىزۋ;

- قۇرمانعازى اتىنداعى قازاق مەم­لەكەتتىك اكادەميا­لىق حالىق اسپاپتارى وركەسترى­نىڭ گاسترولدىك ساپارلارىن ۇيىم­­داستىرۋ. ونىڭ ىشىندە كۇي­­شى جەرلەنگەن رەسەي فەدە­را­تسياسىنىڭ استراحان وبلىسىندا ارنايى كونتسەرتتەر وتكىزۋ;

- قازاقستان رەسپۋبليكاسى مۇشە بولىپ تابىلاتىن حالىق­ارا­لىق ۇيىمدار مەن پارلا­مە­نت-
ارالىق بايلانىس الاڭدارىن پاي­دالانۋ ارقىلى قازاق كۇي ونە­رى مەن كۇيشى ءومىرىن ناسيحاتتاۋ;

- حالىقارالىق, رەسپۋب­لي­كا­لىق دەڭگەيدەگى بايقاۋلار وت­كىزۋ;

- كۇيشىنىڭ ءومىرى مەن شى­عار­ما­شىلىعىنا ارنالعان عى­لىمي-پراك­تيكالىق كونفە­رەن­تسيا­لار جا­نە باسقا دا تانىمدىق ءىس-شا­را­لار ۇيىمداستىرۋ;

- رەسپۋبليكالىق بيۋدجەتتى ناقتىلاۋ كەزىندە وسى شاراعا قاجەتتى قارجى كوزىن قاراستىرۋ;

كۇي اتاسىن ەل بولىپ قۇر­مەت­­تەۋ باستى پارىزىمىز ەكەنىن ۇمىت­پاعان ءجون.

سارسەنباي ەڭسەگەنوۆ,

سەنات دەپۋتاتى