جەڭىلدەتىلگەن وسىممەن اۋىل تۇرعىندارىنا بەرىلەتىن نەسيەنى الاتىندار سانى 14 مىڭعا جەتەتىنى, ستۋدەنتتەرگە ارنالعان جاتاقحانالار سالىناتىنى, قوسىمشا گرانتتار بەرىلەتىنى جانە ت.ب. حالىقتى ناۋرىز مەرەكەسىنىڭ الدىندا ۇلكەن قۋانىشقا بولەگەنى ءسوزسىز. سونىمەن قاتار قاراوزەك (قىزىلوردا وبلىسى) – جەزقازعان – قاراعاندى – تەمىرتاۋ – استانا باعىتىمەن گاز قۇبىرىن تارتۋ تۋرالى تاپسىرما بەرگەنى دە قۋانىشتى حابار بولدى. بۇل مىڭداعان جاڭا جۇمىس ورىندارى اشىلىپ, حالىقتىڭ ءال-قۋاتى ارتادى دەگەن ءسوز. سونىمەن قاتار ەلوردانىڭ ەكولوگياسى جاقسارىپ, تازا وتىندى پايدالانۋعا مۇمكىندىك بەرەدى. كوپتەن بەرى استانا تۇرعىنى بولىپ كەلە جاتقان بىزدەر دە ەلوردا اسپانىنا قىستى كۇندەرى زياندى قالدىقتاردىڭ شىعىپ, اۋىر ءيىستىڭ تاراپ جاتاتىنىن كورىپ ءجۇرمىز. سوندىقتان تۇرعىندار وسى ماسەلەنى ءجيى كوتەرەتىن ەدى. ەندى سول ماسەلە شەشىلىپ, جىلىنا 35 مىڭ تونناداي زياندى قالدىقتار تارامايتىن بولدى. ەلباسى بۇل جوبا كەمىندە 2,7 ملن ادامدى ەكولوگيالىق تازا وتىنمەن قامتاماسىز ەتۋگە مۇمكىندىك بەرەدى دەدى. وسىنىڭ ءوزى ۇلكەن جەتىستىك, تولاعاي تابىس قوي. سونىمەن قاتار بۇل ماسەلە كوپ دەگەندە 1-1,5 جىلدىڭ ىشىندە شەشىلەتىن بولدى. بارلىق ەلوردالىقتار بۇل جاڭالىقتى قۋانىشپەن قارسى العانى داۋسىز.
سونىمەن بىرگە پرەزيدەنتتىڭ ەڭبەكاقىسى تومەن ادامدار ءۇشىن سالىقتىق جۇكتەمەنى 1 پايىزعا دەيىن تومەندەتۋ تۋرالى تاپسىرماسى دا وتە قۋانىشتى جاڭالىق بولدى. شىنىندا از تابىستان الىنعان كوپ سالىقتان بيۋدجەتتىڭ ءبۇيىرى شىقپايدى, ەسەسىنە از دا بولسا ەڭبەكاقى يەلەرىنە پايدا كەلتىرىپ, جاعدايىن جاقسارتۋىنا جاردەم بەرەدى. مۇنىڭ ءوزى ەڭبەكاقىنىڭ ناقتى كوبەيۋىنە جاردەم جاسايتىن پايدالى شەشىم بولعالى تۇر. وسىنىڭ ارقاسىندا 2 ميلليونداي ادام ەڭبەكاقىسىن ارتتىرا الادى ەكەن. قورىتا ايتقاندا, بۇگىنگى ۇندەۋ حالىقتى ايرىقشا قۋانىشقا بولەگەن ۇمىتىلماس جاڭالىق بولدى.
بەكمىرزا ەلامانوۆ,
سەنات دەپۋتاتى
