ءبىر عانا «باقىرشىق» كەن ورنى بۇل كۇنى مەموراندۋم اياسىندا اۋداننىڭ الەۋمەتتىك سالاسىنا 102 ميلليون تەڭگە قارجى بولۋگە دايىن ەكەندىكتەرىن جەتكىزدى. سالتاناتتى شارا كەزىندە جارما اۋدانىنىڭ اكىمى نۇرلان سىدىقوۆ اۋداننىڭ ۇزدىك كاسىپكەرلەرىن 9 اتالىم بويىنشا ماراپاتتاپ, 100 مىڭ تەڭگەنىڭ سەرتيفيكاتتارىن تابىس ەتتى.
«ەكونوميكانىڭ قوزعاۋشى كۇشى – ينۆەستيتسيا. بىلتىر اۋدانىمىزعا 65 ميلليارد تەڭگە ينۆەستيتسيا قۇيىلدى. بۇل – وبلىس كولەمىندە وسكەمەن قالاسىنان كەيىنگى كورسەتكىش. ينۆەستيتسيا قۇيۋشىلاردىڭ دەنى – كەن ورىندارى. يگەرىلمەي جاتقان «باقىرشىق» كەن ورنىنا رەسەيدىڭ «پوليمەتالل» كومبيناتى ۇلكەن ينۆەستيتسيا سالىپ, قۇرىلىس جۇمىستارىن جۇرگىزدى. «بوكە», «اقجال» كەنىشتەرىنە دە ينۆەستيتسيا سالىنىپ, كەن بايىتۋ كومبيناتى بوي كوتەردى. قازىر جارما اۋدانىنىڭ ءتورت جاعىنان جول قۇرىلىسى باستالىپ جاتىر. وبلىستا بالاما قۋات كوزدەرىنە ارنالعان 6 جوبا بولسا, سونىڭ ۇشەۋى جارما اۋدانىندا. يسپان كومپانياسى 17 ميلليارد تەڭگە قارجىعا كۇن ەلەكتر ستانساسىن سالۋدى جوسپارلاپ وتىر. بارلىق قۇجات جۇمىستارى اياقتالدى, قۇرىلىستى باستاۋعا رۇقسات الدى. بۇگىنگى فورۋمعا كەلسەك, مۇنداي فورۋم جىل سايىن وتكىزىلەدى. كاسىپكەرلەردى اتالىمدار بويىنشا ماراپاتتايمىز. بيىل مەموراندۋم اياسىندا اۋدانعا بولىنەتىن قارجى بىلتىرعىمەن سالىستىرعاندا ەكى ەسەگە ۇلعايدى. تاعى ءبىر جاعىمدى جاڭالىق, بيىل «باقىرشىق» كەن ورنى ىسكە قوسىلۋعا ءتيىس. بۇل اۋدان, وبلىس ەمەس, رەسپۋبليكا كولەمىندە ماڭىزدى وقيعا رەتىندە قالارى ءسوزسىز», دەيدى اۋدان اكىمى.
ازامات قاسىم,
«ەگەمەن قازاقستان»
شىعىس قازاقستان وبلىسى,
جارما اۋدانى
