العاش رەت ۇيىمداستىرىلاتىن ءىس-شارا ايەلدەر ءۇشىن ىنتالاندىرۋشى بيزنەس الاڭى بولماق. جوباعا 500-دەن استام ايەل قاتىسادى دەپ كۇتىلىپ وتىر.
جيىن بارىسىندا وتباسىنداعى قارىم-قاتىناس, بالا تاربيەسى, قازىرگى زامانعى جاستاردىڭ مورالدى تۇردە دامۋى, وتباسىمەن بىرگە كارەرانى دا قاتار الىپ ءجۇرۋ, ءوزىن-ءوزى دامىتۋ ماسەلەلەرى قوزعالادى. قازاقستان, رەسەي, ۋكراينا, بەلارۋس, سينگاپۋر جانە اقش ەلدەرىنىڭ ىسكەر حانىمدارى موتيۆاتسيالىق باعىتتاعى ويلارىن ايتىپ, ماڭىزدى ساتتەردە دۇرىس قادام جاساۋ جولدارىن ۇيرەتەدى. سونداي-اق قىزىقتى اڭگىمەلەرىمەن دە بولىسەدى.
سپيكەرلەر قاتارىندا استانا حالىقارالىق قارجى ورتالىعىنىڭ تسيفرلىق تەحنولوگيالار جونىندەگى ديرەكتورى اسەل جيەنباەۆا, شاحماتتان ايەلدەر اراسىندا حالىقارالىق گروسسمەيستەر دينارا سادۋاقاسوۆا, جارتىلاي جەڭىل (IBO) جانە جەڭىل (WIBA) سالماقتاعى الەم چەمپيونى فيرۋزا ءشارىپوۆا, بيزنەس جاتتىقتىرۋشى ءارى وقىتۋشى دجەنيفەر ليۋيس (اقش), Community ىسكەرلىك باسىلىمىنىڭ شەف-رەداكتورى تاتيانا ليۋلكا (ۋكراينا), ايەلدەرگە ارنالعان LADY.TUT.BY سايتىنىڭ جەتەكشىسى سۆەتلانا زەرە (بەلارۋس), جازۋشى, بيزنەس-جاتتىقتىرۋشى لاريسا پارفەنتەۆا (رەسەي), حالىقارالىق Success Resources كومپانياسىنىڭ تەڭ قۇرىلتايشىسى ۆەرونيكا تان (سينگاپۋر) بار.
