الماتىداعى پەدياتريا جانە بالالار حيرۋرگياسى عىلىمي ورتالىعىندا قالاداعى «العاباس» اۋدانىنان باسپانالى بولعان 8 قىزمەتكەردى ۇجىمى قۇتتىقتاپ, قۋانىشتارىن ەسەلەدى. كوپتەن كۇتكەن قۋانىشتارىمەن ورتالىق ۇجىمى مەن باسشىلىعى, بارشا ارىپتەستەرى مەن دوستارى قۇتتىقتاپ, ىزگى نيەت تىلەكتەرىن ءبىلدىردى.
«جاڭا پاتەرگە قول جەتكىزگەن ورتالىق قىزمەتكەرلەرىن قۋانىشتارىمەن قۇتتىقتايمىن! مەديتسينالىق مەكەمەلەر ىشىندە ءبىزدىڭ ورتالىقتىڭ قىزمەتكەرلەرى ەڭ كوپ پاتەر كىلتىنە يە بولدى. تاعى ءبىر قىزمەتكەرىمىزدىڭ ءوتىنىشى قارالۋدا. «نۇرلى جەر» باعدارلاماسى دارىگەرلەردىڭ باسپانا ماسەلەسىن شەشىپ قانا قويماي, ەلىمىزدىڭ كادر الەۋەتىن ارتتىرۋعا سەپتىگىن تيگىزەرى ءسوزسىز», دەپ اعىنان اقتارىلدى عىلىمي ورتالىقتىڭ جەتەكشىسى ريزا بورانباەۆا.
پاتەر كىلتىنە ارنايى ىرىكتەۋ بويىنشا كوپ جىلدان بەرى مەديتسينا سالاسىنا ءومىرىن ارناپ, ولشەۋسىز ۇلەس قوسىپ كەلە جاتقان بىلىكتى دارىگەرلەرمەن قاتار, جاس ماماندار دا يە بولدى. جىلدار بويى جاڭا قونىستى كۇتكەن دارىگەرلەردىڭ قۋانىشىندا شەك جوق.
ايناش ەسالي,
«ەگەمەن قازاقستان»
الماتى
