بۇۇ قاۋىپسىزدىك كەڭەسىنىڭ سيريا بويىنشا, وسى ەلدەگى گۋمانيتارلىق جاعدايدى جاقسارتۋ ءۇشىن اسكەري قيمىلداردىڭ توقتاتىلۋىن رەتتەيتىن قارارىن قابىلداۋدى قۇپتايمىز.
سيريانىڭ بىرقاتار وڭىرلەرىندە, سونىڭ ىشىندە شىعىس عۋتادا كوپتەگەن بەيبىت ازاماتتاردىڭ, ونىڭ ىشىندە ايەلدەر مەن بالالاردىڭ ولىمىنە اكەلىپ سوقتىرعان زورلىق-زومبىلىقتىڭ ارتقانى جاعدايىندا بۇل قۇجاتتىڭ ماڭىزدىلىعىن اتاپ وتەمىز.
قابىلدانعان قاراردىڭ ورىندالۋى حالىقارالىق قۇقىققا سايكەس سيريانىڭ زارداپ شەككەن ايماقتارىنا گۋمانيتارلىق جاردەم كورسەتۋدىڭ قاۋىپسىز جانە كەدەرگىسىز قولجەتىمدىلىگىن قامتاماسىز ەتۋ ءۇشىن ناقتى قادامداردىڭ ءبىرى بولادى.
قاراردىڭ ەرەجەلەرىن تولىعىمەن ساقتاۋعا شاقىرا وتىرىپ, بارلىق مۇددەلى ەلدەردەن سيرياداعى قاقتىعىستى تەز ارادا رەتتەۋ ماقساتىندا قاقتىعىسۋشى تاراپتار اراسىندا سەنىم شارالارىن نىعايتۋ جولىندا ناقتى قادامدار قابىلداۋى ءۇشىن وزدەرىنىڭ بەدەلى مەن ىقپالىنىڭ پايدالانۋىن كۇتەمىز.
قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە, سيريا بويىنشا استانا پروتسەسىنىڭ تاجىريبەسىنە سۇيەنىپ, وسى ەلدەگى احۋالدى, ءبىرىنشى كەزەكتە بىرىككەن ۇلتتار ۇيىمى اياسىندا جەنەۆاداعى كەلىسسوزدەردى جالعاستىرۋ جانە وعان جالپى پراكتيكالىق قولداۋ كورسەتۋ ارقىلى بەيبىت جولمەن شەشۋگە بالاما جوق ەكەنىنە سەنىمدى.
