24 اقپان كۇنى 68-ءشى بەرلين كينوفەستيۆالىنىڭ سالتاناتتى ماراپاتتاۋى ءوتتى. فەستيۆالدىڭ قازىلار القاسى رۋمىنيالىق كينورەجيسسەر ادينا پينتيليەنىڭ «جاقىنداما» (Touch Me Not) اتتى دەرەكتى ءفيلمىن «التىن ايۋ» جۇلدەسىنە لايىق دەپ تانىدى. تۋىندىعا تاعدىرلى كەيىپكەرلەردىڭ ءومىرى مەن ولاردىڭ ۇرەيلەرى, قورقىنىشتارى ارقاۋ ەتىلگەن. فيلمدە ويدان شىعارىلعان پەرسوناجدار مەن شىنايى ادامدار ءوز تاعدىرىن باياندايدى. ءفيلمنىڭ باس كەيىپكەرى 50 جاستاعى لورا وزگەلەردىڭ جاقىنداۋىنا توزە المايدى. وسىلايشا سەكس-تەراپەۆتتىڭ كومەگىنە جۇگىنۋدى ءجون سانايدى. سىنشىلار كارتينانى وتە جوعارى باعالاپ وتىر. The Hollywood Reporter ءفيلمنىڭ شىنايىلىعى مەن وپەراتورلىق جانە مونتاج جۇمىستارىنىڭ كاسىبيلىگىن اتادى. ال كورەرمەندەر تاڭداۋى نەگىزىندە «پانوراما» باعدارلاماسىنىڭ باس جۇلدەسىن تيمۋر بەكمامبەتوۆتىڭ «پروفيل» اتتى دەسكتوپ-تريللەرى يەلەندى.
بەرلينالە-2018 جۇلدەلەرى:
«التىن ايۋ» سىيلىعى – «جاقىنداما» (Touch Me Not) — ادينا پينتيليە;
«كۇمىس ايۋ» سىيلىعى – «الپەت» — مالگوجاتا شۋموۆسكا;
كينوونەرىندەگى جاڭاشا پەرسپەكتيۆاسى ءۇشىن الفرەد باۋەر اتىنداعى سىيلىعى — «مۇراگەر» –مارسەلو مارتينەسسي;
رەجيسسۋرا ءۇشىن «كۇمىس ايۋ» سىيلىعى — «يتتەر ارالى» - ۋەس اندەرسون;
ۇزدىك ەر ادام ءرولى ءۇشىن «كۇمىس ايۋ» سىيلىعى — «دۇعا» - انتوني باجون;
ۇزدىك ايەل ادام ءرولى ءۇشىن «كۇمىس ايۋ» سىيلىعى — «مۇراگەرلەر» - انا برۋن;
ۇزدىك كوركەمدىك جەتىستىگى ءۇشىن «كۇمىس ايۋ» سىيلىعى — «دوۆلاتوۆ» - ەلەنا وكوپنايا;
ۇزدىك دەبيۋت - «جاقىنداما» (Touch Me Not) — ادينا پينتيليە;
ۇزدىك دەرەكتى فيلم– «ۆالدحايما ءۆالسى» — رۋت بەكەرمانن;
ايا ءومىرتاي,
«ەگەمەن قازاقستان»
