ەۋروپا جانە ورتالىق ازيانىڭ 40 ەلىنەن جوعارى دەڭگەيدەگى دەلەگاتسيالار قاتىسقان ورنىقتى دامۋ فورۋمىنىڭ اشىلۋ سالتاناتىندا بۇۇ باس حاتشىسىنىڭ ورىنباسارى امينا موحاممەد جانە بەلارۋس پرەمەر-ءمينيسترى اندرەي كوبياكوۆ ءسوز سويلەدى.
ءوز سوزىندە ع. قويشىباەۆ قازاقستان ودم-نى جۇزەگە اسىرۋدىڭ ەڭ بەلسەندى جاقتاۋشىلارىنىڭ ءبىرى بولىپ تابىلاتىندىعىن, سونداي-اق ادام ءومىرىنىڭ ەكونوميكالىق, الەۋمەتتىك جانە ەكولوگيالىق سالالاردا اسا وزەكتى ماسەلەلەرىن امبەباپ تۇرعىدان شەشۋدى كوزدەيتىن «قازاقستان-2050» ۇلتتىق ستراتەگياسى بۇۇ باسىمدىقتارىنا ءساي ەكەندىگىن ەرەكشە اتاپ ءوتتى.
ورنىقتى دامۋ ماسەلەلەرى قازاقستاننىڭ بۇۇ قاۋىپسىزدىك كەڭەسىنە مۇشەلىگىنىڭ كۇن تارتىبىندە ماڭىزدى ورىن الادى: اتاپ ايتقاندا, پرەزيدەنت نۇرسۇلتان نازارباەۆتىڭ بۇۇ قاۋىپسىزدىك كەڭەسىنىڭ مۇشە مەملەكەتتەرىنە «قاۋىپسىز, ءادىل جانە وركەندەگەن الەم قۇرۋ ءۇشىن جاھاندىق ارىپتەستىكتى نىعايتۋ جونىندەگى قازاقستاننىڭ تۇجىرىمدامالىق كوزقاراسى» اتتى ساياسي ۇندەۋىندە ورتالىق ازياداعى بەيبىتشىلىك, قاۋىپسىزدىك پەن دامۋ اراسىنداعى ءبىرتۇتاس بايلانىسقا ەرەكشە كوڭىل بولىنگەن. وسى رەتتە مەملەكەت باسشىسىنىڭ الماتىدا ودم-نى يمپلەمەنتاتسيالاۋ ءۇشىن جاردەمدەسۋگە باعىتتالعان اعىمداعى جىلدىڭ سوڭىنا دەيىن بۇۇ حابىن قۇرۋ جونىندەگى باستاماسىنىڭ ىسكە اسىرىلۋى ورتالىق ازيادا بەيبىتشىلىك, قاۋىپسىزدىك جانە دامۋ ايماعىن قالىپتاستىرۋ – بۇۇ قاۋىپسىزدىك كەڭەسىندەگى مۇشەلىكتىڭ جاريالانعان ماقساتىن ىلگەرىلەتۋگە تاجىريبەلىك ۇلەس قوسادى.
ساياسي كونسۋلتاتسيالارعا بەلارۋس تاراپىنان سىرتقى ىستەر ءمينيسترىنىڭ ءبىرىنشى ورىنباسارى اندرەي ەۆدوچەنكو قاتىسىپ, ەكى جاقتى ىنتىماقتاستىقتىڭ ساياسي جانە ەكونوميكالىق سالالارى بويىنشا پەرسپەكتيۆالارى تالقىلاندى. ەوە, تمد, ۇقشۇ جانە شىۇ اياسىنداعى وزەكتى سۇراقتار بويىنشا پىكىر الماسۋ ورىن الدى جانە حالىقارالىق ارەنادا ەكى مەملەكەت اراسىنداعى, سونىمەن بىرگە حالىقارالىق ۇيىمدارداعى ءوزارا ينتەگراتسيالىق ءىس-قيمىل ىنتىماقتاستىعى اتاپ كورسەتىلدى.
تاراپتار ديپلوماتيالىق قارىم-قاتىناستاردىڭ ورناتىلعانىنا 25 جىل تولعان كەزەڭدە بولعان پرەزيدەنت ن. نازارباەۆتىڭ بەلارۋس رەسپۋبليكاسىنا رەسمي ساپارىنىڭ ارنايى ساياسي ماڭىزى بار ەكەنى ەرەكشە اتاپ ءوتتى.
