قازاقستان رەسپۋبليكاسىنىڭ تۇڭعىش پرەزيدەنتىنىڭ قورى قازاقستان وڭىرلەرىندە جاستارمەن بەلسەندى جۇمىس جۇرىگىزىپ وتىر. 2017 جىلدان باستاپ قوردىڭ وكىلدەرى ەلىمىزدىڭ ءتۇرلى قالالارىنا بارىپ ستۋدەنتتەردى قوردىڭ قىزمەتىمەن جانە جاستارعا ارنالعان جوبالارىمەن تانىستىرىپ كەلەدى.
ءداستۇر بويىنشا جولساپار اكىمدىكتە كەزدەسۋمەن باستالادى. پەتروپاۆلدا قر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى قانات جۇماباەۆ باستاعان قوردىڭ دەلەگاتسياسى, بەلگىلى عىلىم جانە ونەر سالالارىنىڭ وكىلدەرى - قور سىيلىقتارىنىڭ لاۋرەاتتارى سولتۇستىك قازاقستان وبلىسىنىڭ اكىمى قۇمار اقساقالوۆپەن كەزدەستى. رەسمي كەزدەسۋدە جاستار باعدارلامالارىن دامىتۋ ماسەلەسى, سونداي-اق مادەنيەت, عىلىم جانە الەۋمەتتىك سالاداعى بىرلەسكەن جوبالار تۋرالى اڭگىمە بولدى.
كەزدەسۋ بارىسىندا قور باسشىلىعى س.مۇقانوۆ اتىنداعى سولتۇستىك قازاقستان وبلىستىق كىتاپحاناسىنا جاڭا كومپيۋتەرلىك جابدىق الۋ ءۇشىن 3 ملن تەڭگە سوماسىنا سەرتيفيكات تابىستادى.
قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قانات جۇماباەۆ: «قر تۇڭعىش پرەزيدەنتى قورىنىڭ جوسپارىندا جاستاردى قولداۋعا, ونىڭ نەگىزىن بۇگىنگى ستۋدەنتتەر مەن جوعارى وقۋ ورىندارىنىڭ تۇلەكتەرى قۇرايتىن جاڭا كرەاتيۆتى جانە باسەكەگە قابىلەتتى قازاقستاندىق عىلىمي قاۋىمداستىقتى قۇرۋعا باعىتتالعان كوپتەگەن جوبالار بار. بۇل جوبالاردىڭ بارلىعى پرەزيدەنتتىڭ جولداۋدا قويعان مىندەتتەرىنە سايكەس ازىرلەنىپ ىسكە اسىرىلادى».
اكىمدىكتە كەزدەسۋدەن كەيىن قوردىڭ باسشىلىعى جانە ۇجىمى م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ (سقمۋ) عىلىمي جانە ستۋدەنتتىك اكتيۆىمەن كەزدەستى, وندا قوردىڭ جاستارعا ارنالعان جوبالارىنىڭ تۇساۋكەسەرى ءوتتى.
سقم-ءنىڭ جاس عالىمدارى مەن ستۋدەنتتەرى قوردىڭ قىزمەتىمەن تانىس ەكەنى قۋانتارلىق. سقمۋ-ءنىڭ 15 ستۋدەنتى قوردىڭ ستيپەندياتى اتانعان. قوردىڭ جانىندا قىزمەت ەتەتىن جاس عالىمدار كەڭەسىنىڭ شەشىمى بويىنشا سقمۋ-دىڭ جاس عالىمدار كەڭەسى «ۇزدىك جاس عالىمدار كەڭەسى - 2017» اتاعىنا يە بولدى. ديپلوم ۋنيۆەرسيتەتتەگى كەزدەسۋ كەزىندە تابىس ەتىلدى.
بۇدان باسقا, قوردىڭ وكىلدەرى مەن ارىپتەستەرى ستۋدەنتتەرگە ارنالعان شەبەرلىك ساباقتارىن وتكىزدى. اتاپ ايتقاندا, قر تۇڭعىش پرەزيدەنتى قورىنىڭ ءباسپاسوز قىزمەتىنىڭ باسشىسى اقەركە بەرلىباي «الەۋمەتتىك مەديالار: SMM جانە PR-دىڭ تسيفرلانعان الەمدەگى ۇزدىك ءىس-تاجىريبەسى» تاقىرىبىنا شەبەرلىك ساباعىن وتكىزدى. قر تۇڭعىش پرەزيدەنتى -ەلباسى قورى سىيلىعى لاۋرەاتى - «قازاقستاننىڭ التىن ۆيولونچەلى» ەرمەك قۇرماناەۆ پەتروپاۆل ونەر كوللەدجىنىڭ سۋدەنتتەرى ءۇشىن شەبەرلىك ساباعىن وتكىزدى, وندا ول پەتروپاۆل ونەر كوللەدجىنىڭ جاس مۋزىكانتتارىمەن ءوز تاجىريبەسىمەن جانە بىلىمىمەن ءبولىستى.
قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ اتقارۋشى ديرەكتورى قانات جۇماباەۆ: «اقپاراتتىق تەحنولوگيالار وسكەلەڭ ۇرپاققا جاڭا تالاپتار قويۋ ارقىلى الەمدىك ەكونوميكانى وزگەرتەدى.
قازاقستان رەسپۋبليكاسى تۇڭعىش پرەزيدەنتىنىڭ قورى ءتۇرلى IT-جوبالاردى ىسكە اسىرادى, ونىڭ ىشىندە «Smart Zholy», «Method PRO», بۇكىلالەمدىك «كودتاۋ ساعاتى» اكتسياسىن قولدايدى.
بيىل قور «بلوكچەين» تسيفرلىق مارافونى» جوباسىن ازىرلەدى. قور بلوكچەين, كريپتوۆاليۋتا, ماينينگ, ICO جانە باسقا دا زامانۋي IT-ترەندتەر بويىنشا قوعامدىق الاڭداردى قۇرۋدى جوسپارلاپ وتىر. كەلەشەكتە وسىنداي كەزدەسۋلەر قازاقستاننىڭ ءتۇرلى قالالارىندا وتەدى. ءبىزدىڭ ماقساتىمىز – حالىقتىڭ, الدىمەنەن جاستاردىڭ زامانۋي IT-تەحنولوگيالار بويىنشا بىلىكتىلىگىن ارتتىرۋ. وسى ماقساتتا ءبىزدىڭ ارىپتەستەرىمىز, وتاندىق FinTech Group كومپانياسىنىڭ قىزمەتكەرلەرى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتتەرى ءۇشىن «بلوكچەين» تەحنولوگيالارىنا ارنالعان سەمينار وتكىزەدى.
كۇنى بۇرىن بلوكچەين بويىنشا سەمينار سولتۇستىك قازاقستان وبلىسى اكىمدىگىنىڭ قىزمەتكەرلەرى ءۇشىن وتكىزىلگەن بولاتىن. تۇڭعىش پرەزيدەنت - ەلباسى قورىنىڭ كۇندەرى ن. پوگودين اتىنداعى سولتۇستىك قازاقستان ورىس دراما تەاترىندا قازاقستان وپەراسىنىڭ جۇلدىزدارى - قور سىيلىقتارىنىڭ لاۋرەاتتارىنىڭ گالا كونتسەرتىمەن اياقتالادى. پەتروپاۆلدىقتاردىڭ الدىندا: گاۋحار تاسبەرگەنوۆا (فورتەپيانو), بيبىگۇل جانۇزاق (سوپرانو), تاتيانا ۆيتسينسكايا (مەتستسو-سوپرانو), ازامات جىلتىرگوزوۆ (باريتون), مارات ءايتىمباي (باريتون), بولات ەسىمحانوۆ (باس) جانە ەرمەك قۇرماناەۆ (ۆيولونچەل) ونەر كورسەتەدى.
