«جولاۋشىلار تاسىمالداۋ كولىگى ەلىمىزدىڭ بىرىڭعاي كولىك جۇيەسىنىڭ نەگىزگى بولىگى جانە اۆتوموبيل كولىگىمەن جولاۋشىلاردى تاسىمالداۋ قاۋىپسىزدىگىن ساقتاۋ وزەكتى ماسەلەلەردىڭ ءبىرى بولىپ تابىلادى. ال قازاقستاندا جىل سايىن اۆتوبۋس جۇرگىزۋشىلەرىنىڭ كىناسىنەن 500-دەن استام جول-كولىك وقيعاسى جاسالادى, ناتيجەسىندە شامامەن 60 ادام قايتىس بولىپ, 800-دەن استام ادام جاراقاتتانادى» - دەيدى ىشكى ىستەر ءمينيسترىنىڭ ورىنباسارى ەرلان تۋرگۋمباەۆ.
ونىڭ سوزىنشە, جولاۋشىلار كولىكتەرىنىڭ اپاتىنا جاسالعان تالداۋ كورسەتكەندەي, قالىپتاسقان جاعدايدىڭ نەگىزگى سەبەبى جولدا ءجۇرۋ ءتارتىبىن ساقتاماۋ, لاۋازىمدىق تۇلعالار مەن جولاۋشىلار كولىگىن جولعا شىعارۋعا جاۋاپتى تۇلعالاردىڭ تاراپىنان باقىلاۋدىڭ بولماۋىمەن بايلانىستى. وسىنداي زاڭبۇزۋشىلىقتار ءۇشىن 5,7 ملن. تەڭگەدەن استام قارجىعا ايىپپۇل سالىنىپ, اۆتوبۋس پاركىنىڭ 190 لاۋازىمدى تۇلعاسى جاۋاپقا تارتىلدى.
پوليتسيا قىزمەتكەرلەرى جەدەل الدىن الۋ شارالارىن وتكىزۋ بارىسىندا وعامدىق كولىك جۇرگىزۋشىلەرى تاراپىنان جاسالعان جاساعان 19 مىڭ قۇقىقبۇزۋشىلىقتى انىقتاپ, ءتيىستى شارا قولداندى. اتاپ ايتقاندا, ەڭبەك پەن دەمالىس رەجيمىن بۇزۋدىڭ 166 جاعدايى, ءتيىستى كۋالىكسىز كولىك جۇرگىزۋدىڭ 245 فاكتىسى, تاسىمالداۋشىنىڭ جولاۋشىلار الدىنداعى مىندەتتەردى ورىنداماۋدىڭ 594 جاعدايى تىركەلدى. سونداي-اق جىلدامدىقتى اسىرۋ (1 135 فاكتى), كولىك قۇرالىن جۇرگىزۋ بارىسىندا ۇيالى تەلەفوندى پايدالانۋ (3,5 مىڭنان استام فاكتى), جولاۋشىلاردى زاڭسىز تاسىمالداۋ (195 فاكتى) جاعدايلارى انىقتالدى. «جولاۋشىلارعا عانا ەمەس, وزدەرىنە دە جاۋاپتى اۆتوبۋس جۇرگىزۋشىلەرىنىڭ كولىك قۇرالىن ماس كۇيىندە جۇرگىزۋىنىڭ 14 فاكتىسى انىقتالدى. سونىمەن قاتار, ەسىرتكىگە ەلىتكەن كۇيدە اۆتوبۋس جۇرگىزگەن جۇرگىزۋشىلەردىڭ ۇستالعان كەزى دە بولدى»- دەدى ءمينيستردىڭ ورىنباسارى.
سونداي-اق ول ناقتى مالىمەتتەردى دە كەلتىرە كەتتى. تەكسەرىلگەن ءاربىر التىنشى كولىك قۇرالىندا تەحنيكالىق اقاۋى بار بولا تۇرا, ولاردىڭ جارتىسىنان كوبىندە رەيسالدى باقىلاۋدان وتكەنى تۋرالى بەلگىسى بولعان. جولاۋشىلار كولىگىن رۇقساتسىز 312 قايتا جابدىقتاۋ فاكتىلەرى دە كەزدەستى. سونىمەن قاتار, جەدەل-الدىن الۋ شاراسى بارىسىندا رەيس الدىنداعى تەكسەرۋدەن وتپەگەن 65 اۆتوبۋس انىقتالىپ, تەحنيكالىق قاراۋدان وتپەگەن اۆتوبۋستى جۇرگىزۋدىڭ 780 فاكتىسى بەلگىلى بولدى.
ايقىندالعان زاڭبۇزۋشىلىقتار, جۇيەلى ەمەس تاسىمالداۋدى ۇيىمداستىرۋدىڭ بىرىڭعاي تالاپتارىنىڭ بولماۋىن جانە اۆتوكولىك قۇرالىن رەيس الدىندا تەكسەرۋدەن نەمقۇرايلى وتكىزىلەتىنىن كورسەتەدى. «اۆتوبۋس» وپەراتسياسىنىڭ ناتيجەلەرى بويىنشا قاۋىپسىزدىكتى جانە جولاۋشىلاردى اۆتوموبيلدىك كولىكپەن تاسىمالداۋ جاعدايىن جاقسارتۋ جونىندە ۇسىنىستار جاسالدى, ولار كولىك جانە كوممۋنيكاتسيالار سالاسىندا ۋاكىلەتتى ورگان رەتىندە يدم-عا ودان ءارى قاراي جەتىلدىرۋ ءۇشىن جولداناتىن بولادى.
