ماجىلىسكە وبلىس اكىمى ق.كوشەرباەۆ, قر جوعارعى سوت توراعاسىنىڭ كەڭەسشىسى ساعاتبەك سۇلەيمەن جانە وبلىستىق مەملەكەتتىك مەكەمە باسشىلارى قاتىستى.
«وزدەرىڭىزگە بەلگىلى, ەلباسى ن.ءا.نازارباەۆ داۋلاردى سوتتاردان تىس رەتتەۋ ينستيتۋتتارىن دامىتۋدى جالعاستىرۋ, ۇساق-تۇيەك ماسەلەلەر بويىنشا داۋلاردى شەشۋ سوتتاردان تىس تارتىپپەن جۇرگىزىلەتىندەي تەتىكتەر قاراستىرۋ جونىندە ناقتى تاپسىرمالار بەرگەن بولاتىن. وسىعان وراي, قازاقستان رەسپۋبليكاسىنىڭ جوعارعى سوتىمەن قوعامداعى داۋكەستىك دەڭگەيىن تومەندەتۋ, داۋلاردى سوتسىز شەشۋ ينستيتۋتتارىن دامىتۋ, حالىققا ءتۇسىندىرۋ جۇمىستارىن جۇرگىزۋ ءۇشىن «سوتسىز تاتۋلاسۋ ورتالىعىن» قۇرۋ جوباسى ۇسىنىلىپ وتىر جانە ونى جۇزەگە اسىرۋ ءۇشىن پيلوتتىق ايماق رەتىندە قىزىلوردا وبلىسى بەلگىلەندى», - دەدى ايماق باسشىسى.
جوعارعى سوت توراعاسىنىڭ كەڭەسشىسى ساعاتبەك سۇلەيمەننىڭ ايتۋىنشا, «سوتسىز تاتۋلاسۋ ورتالىعىن» قۇرۋ جوباسىن جۇزەگە اسىرۋ ءۇشىن قازاقشىلىقتىڭ قايماعى بۇزىلماعان, ۇلتتىق رۋحاني قۇندىلىقتارىن ساقتاي بىلگەن قىزىلوردا وبلىسىنان باستاۋ جونىندە شەشىم قابىلدانعان.
«ەل اعالارى قولداۋ كورسەتەدى دەگەن سەنىممەن, جاڭا جوبانى وسىندا باستاۋدى ءجون كوردىك. جوبا ناتيجە بەرىپ, ءبىر ىزگە تۇسەتىن بولسا باسقا دا وڭىرلەرگە تاراتپاقشىمىز. بۇل باستامانىڭ ەلىمىز ءۇشىن ماڭىزى زور, ويتكەنى قازىرگى تاڭدا بولماشى داۋدى كوپتەگەن جىلدار بويى شەشىلمەي, قىپ-قىزىل شىعىعا ۇشىرايتىن جاعدايلار جيىلەپ بارادى. دەگەنمەن, جاقسى تاجىريبەمىز دە از ەمەس. سونىڭ ءبىرى «ن.ءىلياسوۆ» اۋىلىنىڭ ارداگەر اقساقالدارى قولعا العان قوعامدىق بىرلەستىك قىزمەتىن اتاپ ايتۋعا بولادى. قارماقشى اۋدانىنىڭ «كومەكباەۆ» اۋلىندا وسى بۇگىنگە دەيىن داۋ قۋعان نەمەسە سوتتالعان ءبىر ادام بولماپتى. مۇنداي تاجىريبەنى كەڭىنەن قولدانۋ قاجەت», - دەپ اتاپ ءوتتى ساعاتبەك سۇلەيمەن.
سوت سالاسىنىڭ ارداگەرى عاليا شىڭعىسوۆانىڭ ايتۋىنشا, 80-90 جىلدارى وبلىسىمىزدا جىلىنا 500-600 ازاماتتىق ءىس قارالاتىن بولسا, قازىر ءبىر جىلدا قارالعان ازاماتتىق ىستەردىڭ سانى 30 مىڭنان اسىپ كەتكەن.
جيىندى قورىتىندىلاي كەلە, وبلىس اكىمى جوعارعى سوت باستاعان جوبانىڭ ايماقتىڭ قوعامدىق ءومىرى ءۇشىن ماڭىزدىلىعى زور ەكەنىن اتاپ ءوتىپ, ارىپتەستەرىن سوتتان تىس داۋلاردى شەشۋدىڭ ءتيىمدى جولدارىن قاراستىرۋعا شاقىردى.
