- ەڭ الدىمەن ءوز كومانداما ريزامىن. ءبىز ەكىنشى ويىن الدىندا ەشقانداي ماقساتسىز الاڭعا شىقتىق. الايدا, ابىرويمەن ونەر كورسەتىپ, ءوزىمىزدىڭ كەلبەتىمىزدى كورسەتتىك. ءبىرىنشى تايمدا ءبىر-ەكى مۇمكىندىگىمىزدى گولعا اينالدىرعانىمىزدا وندا «سپورتينگتى» تىعىرىققا تىرەۋگە مۇمكىندىك بولاتىن ەدى. سوعان قاراماستان ءبىزدىڭ كوماندامىز ەۋروپا ليگاسىنىڭ پلەي-وفف ساتىسىندا ءبىرشاما جاقسى ونەر كورسەتە الاتىنىن دالەلدەدى.
- بۇگىنگى ويىندا كىمدى ۇزدىك دەپ اتار ەدىڭىز؟ 90 مينۋت بويى بەلسەندى بولعان توماسوۆتى ما, جوق الدە تارازى باسىن تەڭەستىرگەن شومكونى ما؟
- مەن ءبىر ەكى ويىنشىنى بەلگىلەگىم كەلىپ تۇرعان جوق. گول سوققانداردى ماقتاپ وتىرساق وندا وزگەلەردى ەلەمەگەنىمىز. مارين دە, ديما دا گول سوقتى,ەكەۋى دە بەلسەندى بولدى. ال ابزال جايلى ايتار بولسام, ورتالىق الاڭ ونىڭ پوزيتسياسى ەمەس. دەگەنمەن ول مەنىڭ ايتقاندارىمدى بۇلجىتپاي ورىندايدى. مەنىڭ وعان تاعار ەش كىنام جوق. ال جالپى كوماندالىق ويىندى جاقسارتۋ ءۇشىن بارلىق جارتىلاي قورعاۋشىلاردىڭ دەڭگەيىن كوتەرۋىمىز كەرەك.
- بۇگىن ورتالىق قورعانىستا لوگۆينەنكونىڭ ورنىنا پوستنيكوۆ شىقتى. ونىڭ سەبەبى نەدە؟
- انيچيچ پەن پوستنيكوۆ ەكەۋى بىرگە كوپ ويناعان. بۇگىن اشىق ويىن ءوتىپ, قوعانىسىمىزعا جىلدامدىق كەرەك ەكەنى انىق بولدى. سوندىقتان دا, مالىيدى ەمەس پوستنيكوۆتى شىعاردىق.
- «سپورتينگپەن» وتكەن بۇگىنگى ويىن ءبىرىنشى ماتچ بولعاندا, قالاي ويلايسىز, «استانانىڭ» كەلەسى كەزەڭگە وتەتىن مۇمكىندىگى بولار ما ەدى؟
- ەگەر ەكى ماتچتى 4 تايمعا بولەتىن بولساق, ءبىز سونىڭ بىرەۋىندە عانا ناشار ويناعادىق. قالعانىنىڭ بارىندە ءبىز قارسىلاستان كەم تۇسپەدىك. سول ارالىقتا قارسىلاسىمىز بىزگە قانجارداي قادالعان گولدار سوعىپ تاستادى.
- قازاقستان فۋتبولىندا نەگىزگى كۇشتى لەگيونەرلەر جاسايدى دەگەنگە كەلىسەسىز بە؟
- قازاق فۋتبولىن تولىقتاي لەگيونەرلەر كوتەرىپ تۇر دەسەك تە ارتىق قوي. بىراق, ولارسىز ءبىز ەۋروپا الاڭدارىندا ەشتەڭە ىستەي الماي كەلەمىز. مىسالى قازاقستان ۇلتتىق قۇراماسىن قاراڭىز, ولار ىرىكتەۋ تۋرنيرلەرىن 5-سەبەتتەن قارايدى. سوندىقتان دا, فۋتبولدىڭ شەكاراسى جوق. ول لەگيونەر مە, جوق قازاقستاندىق فۋتبولشى ما, وندا تۇرعان ەشتەڭە جوق دەپ ويلايمىن. ال ءدال قازىر قازاقستاندا بۇل ماسەلەدەن باسقا ماڭىزدى شارۋالار بار. مىسالى جاسىل الاڭدار سوعۋ كەرەك جانە بالالار فۋتبولىن دامىتقانىمىز دۇرىس. ال قالعانىنىڭ ءبارى بوس اڭگىمە.
ەرمۇحامەد ماۋلەن
