شاراعا مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى الماز نۇرازحان, قازاقستاننىڭ ەڭبەك سىڭىرگەن قايراتكەرى, «استانا بالەت» تەاترىنىڭ ديرەكتورى ۆالەري كۇزەمباەۆ, ۇلتتىق اكادەميالىق كىتاپحانانىڭ ديرەكتورى, پەداگوگيكا عىلىمدارىنىڭ دوكتورى, پروفەسسور ءۇمىتحان مۇڭالباەۆا, «استانا وپەرا» مەملەكەتتىك وپەرا جانە بالەت تەاترىنىڭ قوعاممەن بايلانىس جونىندەگى ديرەكتورىنىڭ ورىنباسارى الەكساندر سوۆوستيانوۆ قاتىسىپ, الداعى جوسپارلار جايلى باياندادى.
«قازاقستان رەسپۋبليكاسىنىڭ ەلورداسى استانا قالاسىنىڭ 20 جىلدىعىن مەرەكەلەۋ - بۇل رەسپۋبليكالىق جانە حالىقارالىق اۋقىمداعى وقيعا. مەرەيتويلىق مەرەكەنى تويلاۋ جانە دايىنداۋ ءۇشىن ۇكىمەتتىڭ ءتيىستى جوسپارى بەكىتىلدى, ول 175 ءىس-شارانى قاراستىرادى, ۇيىمدىق جانە دايىندىقتى قوسا العاندا 7, الەۋمەتتىك ماڭىزدى, عىلىمي جانە پراكتيكالىق 67, مادەني جانە بۇقارالىق 65, سپورتتىق 18, اقپاراتتىق-يميدجدىك 18. ولاردىڭ 44-ءى - حالىقارالىق, 91 - رەسپۋبليكالىق, 15 - وڭىرلىك ماڭىزى بار شارالار. مەرەيتوي مەرەكەسىنىڭ رەسمي باستالۋى وتكەن جىلدىڭ 10 جەلتوقسانىندا بەكىتىلگەن بولاتىن. سونداي-اق, ماۋسىمنان قىركۇيەككە دەيىن ەتنوۋىل ۇلتتىق مادەني كەشەنى ءوز جۇمىسىن قايتا باستايدى, وندا «الپامىس», «شكولا تراپەتسي» اتتى تەاتر-تسيرك شوۋى ۇيىمداستىرىلادى. مەرەيتويعا الەمنىڭ جەتەكشى شىعارماشىلىق ۇجىمدارى مەن ۇيىمدارىنىڭ قاتىسۋىمەن «استانالار شەرۋى» اتتى اۋقىمدى حالىقارالىق جوباسى وتكىزىلەدى. وعان تانىمال ارتىستەر مەن 20 ەلدىڭ بەلگىلى سپورتشىلارى (پاريج, بەرلين, لوندون, ماسكەۋ, سينگاپۋر, پەكين جانە ت.ب.) قاتىسادى. جوبا اياسىندا الەمگە ايگىلى رەجيسسەر تيمۋر بەكمامبەتوۆتىڭ باسشىلىعىمەن «استانا وپەرا» مەن دج. پۋچچيني «تۋراندوت» پەكين ۇلتتىق وپەراسىنىڭ بىرلەسكەن شىعارمالارى وتەدى», دەپ اتاپ ءوتتى مادەنيەت جانە ونەر ىستەرى دەپارتامەنتىنىڭ ديرەكتورى الماز نۇرازحان.
سونىمەن قاتار ول قازاقستاندا تۇڭعىش رەت «AstanaMusical» تەاترى اڭىزعا اينالعان فرانتسۋز-كانادالىق «NotreDamedeParis» مۋزىكالىق شىعارماسىنىڭ اۆتورلار ريكاردو كوچچانتە جانە ليۋكوم پلاموندونوممەن بىرگە وتكىزىلەتىنىن جەتكىزدى.
«ەلوردانىڭ مەرەيلى مەرەكەسىنە وراي حالىقارالىق سيمفونيالىق وركەستردىڭ, الەمنىڭ ەڭ مىقتى مۋزىكانتتارى ورىنداعان, ۇلى زاماناۋي كومپوزيتورى كارلا دجەنكينسانىڭ «ShineAstana» («جارقىراعان استانا») وركەسترىنىڭ پرەمەراسى 10 شىلدە كۇنى بولادى. جانە ەكسپو-2017-دەگى مادەني ءىس-شارالاردىڭ جالعاسى رەتىندە, استانا قالاسىندا اقش-تىڭ جەتەكشى ۇجىمدارى مەن حورەوگرافتارىنىڭ قاتىسۋىمەن «ەۋرازيالىق بي فەستيۆالى» II حالىقارالىق بالەت ونەرى فەستيۆالى قىتاي ۇلتتىق بالەتى, نيدەرلاندى ۇلتتىق بالەت ۇجىمدارىنىڭ قاتىسۋىمەن وتەدى. سونداي-اق الەمدىك جەتەكشى تەاتر ۇجىمدارى ش. رۋستاۆەللي (گرۋزيا), پيككولو دي ميلانو (يتاليا), Shaubunne (گەرمانيا), پەكين ۇلتتىق كوركەمدىك تەاترى (قىتاي), TR Warszawa (پولشا) «استانا» II دۇنيەجۇزىلىك تەاتر فەستيۆالىنە قاتىسادى», دەدى ول.
مادەنيەت جانە ونەر ىستەرى دەپارتامەنتىنىڭ ديرەكتورى الماز نۇرازحاننىڭ ايتۋىنشا, الەمدىك جانە ءداستۇرلى دىندەر كوشباسشىلارىنىڭ سەزى اياسىندا تۇڭعىش رەت «استانا - بەيبىتشىلىك داۋىسى» حالىقارالىق فەستيۆالى وتەدى, وندا بەس قۇرلىقتىڭ جانە الەمگە ايگىلى انشىلەر حورلارىنىڭ 500 قاتىسۋشىسى قاتىساتىنىن حابارلادى.
«سونداي-اق قازىرگى زامانعى ەتنيكالىق مۋزىكا مەن ءبيدىڭ «The Spirit of the Dance» حالىقارالىق فەستيۆالدەرى ۇيىمداستىرىلادى, كوشپەلى مادەنيەت «NomadWay», «AstanaAzilStarsFest» جانە «باۋىرجان Fest» ءازىل-سىقاق جانرى, «استانا 2018 - ەۋرازيا وقۋ كورپۋسى» فەستيۆالى, دۇنيەجۇزىلىك وقۋ كونگرەسى, «استاناداعى 20 الەمدىك كىتاپحانانىڭ» دەرەكتى جانە سيرەك كوللەكتسيالارىنىڭ كورمەسى, بالالار جازۋشىلارىنىڭ فورۋمى جانە ت.ب وتەدى», دەدى ا.نۇرازحان.
ال ۇلتتىق اكادەميالىق كىتاپحانانىڭ ديرەكتورى ءۇمىتحان مۇڭالباەۆا استانانىڭ 20 جىلدىعىنا وراي الەمنىڭ 20 كىتاپحاناسىنىڭ حالىقارالىق كورمەسى ۇيىمداستىرىلاتىنىن بايانداپ, وعان شەتەلدىك 40 قاتىسۋشى كەلەتىنىن تىلگە تيەك ەتتى.
ء«ىس-شارانى ىسكە اسىرۋ بارىسىندا الەمنىڭ ءىرى كىتاپحانالارى استانا تۇرعىندارى مەن قوناقتارىنا ارناپ استانالاردى كوشىرۋدىڭ الەمدىك حرونيكاسى تۋرالى, الەم ەلدەرىنىڭ تاريحىن انىقتاۋعا ۇلەس قوسقان شىعارمالار مەن ەلىمىزدىڭ تاريحى مەن مادەنيەتىنە قاتىسى بار جازبا مۇرالار تۋرالى مول ماعلۇمات بەرەتىن سيرەك باسىلىمدار مەن فوتوكوللەكتسيالاردان قۇرالاتىن دەرەكتى كورمەلەر ۇيىمداستىرادى», دەدى ول.
راۋان قايدار,
«ەگەمەن قازاقستان».
