– اسىرىپ ايتتى دەمەڭىزدەر, قازاقستاندىق ستۋدەنتتەر ءۇشىن شەتەلدىك جوعارى وقۋ ورىندارىنىڭ رەكتورلارى كەزەكتە تۇر! 2018 جىلى ءبىز شەتەلدىك گرانتتاردىڭ سانىن 10 مىڭعا دەيىن جەتكىزدىك, باستى مىندەتىمىز بىلىمگە قۇشتار ستۋدەنت تابۋ بولاتىن. بۇدان كەيىن بۇل سان تەك كوبەيمەك,– دەيدى ول.
جانبولات مەلدەشوۆتىڭ ايتۋىنشا, حبو مالايزيانىڭ تاجىريبەسىنە نەگىزدەلگەن قازاقستاندىق ءبىلىم بەرۋدى ينتەرناتسيونالداندىرۋ بويىنشا جۇمىس جۇرگىزۋدى باستاپتى. بۇل تۋرالى ول:
– ماسەلەن, مانچەستەر ۋنيۆەرسيتەتى مالايزيادا ءوز كامپۋسىن اشادى نەمەسە مالايزيانىڭ كەيبىر ۋنيۆەرسيتەتى الەمدەگى ۇزدىك ۋنيۆەرسيتەتتىڭ فرانشيزاسىن ساتىپ الادى. بۇنداعى وقىتۋ وسى ۋنيۆەرسيتەتتىڭ باعدارلاماسىنا سايكەس, سول ۋنيۆەرسيتەت مۇعالىمدەرىنىڭ قاتىسۋىمەن جۇرگىزىلەدى, بىراق قۇنى 10 ەسە تومەن. سوندىقتان مالايزياعا بريتاندىق جوعارى وقۋ ورىندارىنىڭ ديپلومى ءۇشىن وقۋعا ءتۇسۋ بۇگىنگى تاڭدا كەڭ ەتەك العان, ال مالايزيا ءۇشىن بۇل ء«بىلىم بەرۋ ءتۋريزمىن دامىتۋ» تۇرعىسىنان ءتيىمدى. بىزگە دە سول جولمەن جۇرسە بولادى, ياعني الەمنىڭ جەتەكشى ۋنيۆەرسيتەتتەرى ءۇشىن قازاقستاندا وقۋ ورىندارىن اشۋ مۇمكىندىگىن بەرۋ. سونىڭ ناتيجەسىندە ءۇندىستان, قىتاي, وزبەكستان, يران جانە باسقا ەلدەردەن كەلگەن ستۋدەنتتەردى قازاقستاندا وقىتىپ, ورتالىق ازياداعى ءىرى ءبىلىم بەرۋ ورتالىعىنا اينالار ەدىك. بىراق بۇنداي دامۋ ءۇشىن مەن تىلگە تيەك ەتكەن اكادەميالىق ەركىندىك قاجەت, ياعني جوعارى وقۋ ورىندارى قارجىلىق, اكادەميالىق جانە اكىمشىلىك شەشىمدەردى وزدەرى دەربەس جۇزەگە اسىرا الۋى كەرەك. سايكەس زاڭ جوباسىن قر بجعم پارلامەنتكە ۇسىنعان, قازىر تالقىلانىپ جاتىر,– دەدى.
