جوباعا سايكەس بۇل ورتالىق تۋريستەر مەن كەلۋشىلەر ءۇشىن بارلىق جاعداي جاسالعان تولىق كەشەن بولادى. مۇندا اكىمشىلىك عيمارات, قوناقۇي, شارۋاشىلىق-تۇرمىستىق ءۇيى سەكىلدى بىرنەشە عيمارات سالۋ جوسپارلانىپ وتىر. ەكى قاباتتى اكىمشىلىك عيمارات ىشىندە ەكسپوزيتسيالىق-كورمە زالدارى, قور قويماسى, 100-150 ورىندىق كونفەرەنس-زال, زەرتحانالىق جانە قالپىنا كەلتىرۋ ءۇي-جايى, كىتاپ قويماسى مەن ەلەكتروندى مالىمەتتەر بازاسى بار كىتاپحانا ورنالاسادى. كەشەن اۋماعىندا لەكتسيا وتەتىن الاڭدار, اشىق اسپان استىنداعى مۋزەي مەن ەتنواۋىل بولادى.
– بۇل ۆيزيت ورتالىقتىڭ قۇرىلىسى ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا جۇرگىزىلۋدە,- دەدى ايماق باسشىسى نۇرلان نوعاەۆ. – ۆيزيت ورتالىق وزگە ەلدەن كەلۋشى تۋريستتەر جانە ىشكى ءتۋريزمنىڭ دامۋىنا سەپتىگىن تيگىزىپ, سارايشىق سوكرالدى قالاشىعىنا ادامداردىڭ نازارىن اۋدارادى.
ەلىمىزدىڭ مادەني مۇراسىن ساقتاۋ ءۇشىن 2016 جىلى وبلىس بيۋدجەتىنەن جاعالاۋدى بەكىتۋ جۇمىستارىنا 1,6 ملرد تەڭگە ءبولىندى. قورعانىس بوگەتىنىڭ قۇرىلىسى 2016 جىلى باستالدى, 2018 جىلى اياقتالادى. بوگەتتىڭ بيىكتىگى 3 مەتر, ۇزىندىعى – 1500 مەتر.
سارايشىق – التىن وردانىڭ العاشقى ساۋدا ورتالىقتارىنىڭ ءبىرى بولعان, كەيىن نوعاي ورداسىنىڭ استاناسى اتاندى. سارايشىق تاريحي قالاشىعى اتىراۋ قالاسىنان 50 شاقىرىم قاشىقتىقتا, ماحامبەت اۋدانى سارايشىق سەلوسىندا ورنالاسقان. 1999 جىلى «حان ورداسى –سارايشىق» مەموريالدى كەشەنى سالىندى. 1999 جىلى مەشىت پەن وسى جەردە 7 حان جەرلەنگەنى تۋرالى ەستەلىك تاقتا ورناتىلعان بيىكتىگى 17 مەتر كەسەنە تۇرعىزىلدى.
باقىتگۇل باباش,
«ەگەمەن قازاقستان»,
اتىراۋ
