پەداگوگ ماماندارمەن اقىلداسىپ, تالقىلاپ, ۇسىنىس-پىكىرلەرىن جيناپ العان سوڭ, جاڭا ءالىپبيدى ەنگىزۋدىڭ دايىندىعىنا كىرىسىپ, ەڭ ءتيىمدى جولى ايقىندالاتىن بولادى. جوسپار بويىنشا, الدىمەن پەداگوگتاردىڭ ءوزىن دايىنداپ, 0-ءشى سىنىپتان باستاپ ەنگىزەمىز. وعان ەكى جىل قاجەت. جان-جاقتى اقىلداسىپ, قاراستىرا وتىرىپ, سوسىن گرافيكاعا اپروباتسيا جاساپ, جاڭا ءالىپبيدى دايىندايمىز. ودان كەيىن ساراپتامادان وتكىزەمىز. سوسىن مۇعالىمدەرمەن, مەكتەپ باسشىلارىمەن, ساراپشىلارمەن كەڭىنەن تالقىلاۋىمىز قاجەت. ءسويتىپ ناقتى ءبىر كەستەنى قابىلداپ, لاتىن گرافيكاسىن اسىقپاي ەنگىزۋىمىز كەرەك.
ارينە اسىعىستىققا جول بەرىلمەۋگە ءتيىس. الايدا ءبىر رەت باستاپ كەتكەننەن كەيىن توقتاۋعا بولمايدى, لاتىنعا تولىعىمەن كوشۋىمىز كەرەك. سوندىقتان قازىردەن باستاپ بارلىق ماسەلەلەردى ەسكەرگەن ءجون. ءوز باسىم جاڭا نۇسقا ءتيىمدى دەپ سانايمىن. جاڭا الىپبيمەن جازىلاتىن وقۋلىقتارعا ناقتى قانشا ۋاقىت كەرەكتىگىن ءدال قازىر كەسىپ ايتۋ قيىن. بۇل ەل بولاشاعىن ايقىندايتىن ماڭىزدى ماسەلە بولعاندىقتان, بايىپپەن اتقارعانىمىز ءجون دەپ ويلايمىن.
ەرلان ساعاديەۆ,
ءبىلىم جانە عىلىم ءمينيسترى
