فوتو: يۋري بەككەر
جيىندا باس قوسقان بىرقاتار قۇرىلىمداردىڭ باسشىلارى جولداۋدا ايقىندالعان ماقسات-مىندەتتەردى ىسكە اسىرۋدىڭ جولدارىن سارالادى.
ءوز پىكىرىن ورتاعا سالعان دوڭگەلەك ۇستەل قاتىسۋشىلارى ەلباسىنىڭ بيىلعى جولداۋى وسىعان دەيىنگى ۇسىنىلىپ, ەلىمىزدە رەتىمەن جۇزەگە اسىرىلىپ كەلە جاتقان «ماڭگىلىك ەل»,«100 ناقتى قادام» ۇلت جوسپارى, «تسيفرلى قازاقستان» سياقتى ماڭىزدى رەفورمالاردىڭ زاڭدى جالعاسى ەكەندىگىن ايتتى. يننوۆاتسيالىق مۇمكىندىكتەردى ءتيىمدى پايدالانۋ ارقىلى حالىقتىڭ الەۋمەتتىك-ەكونوميكالىق جاعدايىن جاقسارتۋ, سول ارقىلى ەلىمىزدى باسەكەگە قابىلەتتى دامىعان 30 ەلدىڭ قاتارىنا كىرگىزۋ, رۋحانيات پەن مادەنيەتتى جەتىلدىرۋ سياقتى يدەيالاردىڭ بارلىعى مەملەكەتىمىزدى دامىتۋشى كۇش ەكەنىن باسا ايتقان ساراپشىلار جولداۋدا كورسەتىلگەن 10 باسىمدىقتىڭ ماڭىزىنا جەكەلەي توقتالدى.
ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى ەلباسى جولداۋى اتى ايتىپ تۇرعانداي ەل دامۋىنىڭ جاڭا مۇمكىندىكتەرىنە جول اشاتىن قۇندى قۇجات دەپ ەسەپتەيمىن. ەكونوميكانىڭ كەز-كەلگەن سالاسىن جاڭا تەحنولوگيالارسىز ەلەستەتۋ مۇمكىن ەمەس. مەيلى قارجى سالاسى, مەيلى دامۋدىڭ باسقا تەتىكتەرى بولسىن اقىلدى تەحنولوگيالارعا تىكەلەي تاۋەلدى. ەلىمىزدىڭ بۇل باعىتتاعى بەتالىسى ەلباسى جولداۋىندا ەرەكشە ايتىلىپ, ونى ودان ءارى جانداندىرۋدىڭ انىق ءارى ءتيىمدى جولدارى كورسەتىلگەن. ونى ىسكە اسىرۋدا ءبارىمىز تاباندىلىق تانىتۋىمىز قاجەت» دەيدى الماتى قالالىق ءبىلىم باسقارماسى ورتا ءبىلىم بەرۋ ءبولىمىنىڭ جەتەكشىسى اقمارال ايتۋاروۆا.
جولداۋداعى «ادامي كاپيتال-جاڭعىرۋ نەگىزى» ءبولىمىنىڭ ەلىمىز ءۇشىن اسا ماڭىزدى ەكەنىن ايتقان قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ايگۇل بايباحانوۆا: بۇل باعىتتا ادام كاپيتالىنا بايلانىستى نەگىزگى ۇسىنىستار ايتىلىپ, تىڭ باعىتتار ساراپقا سالىنعان. پرەزيدەنتىمىز جاس ۇرپاققا ءبىلىم بەرۋدىڭ ساپاسىن جەتىلدىرۋ, جانە ونىڭ مازمۇنىن زامانا تالابىنا ساي جۇزەگە اسىرۋدىڭ ناقتى جولدارىن كورسەتتى. ادام كاپيتالىن دامىتۋ – مەملەكەتىمىزدىڭ جارقىن بولاشاعى. جاس ۇرپاقتى باسەكەگە قابىلەتتى ەتىپ تاربيەلەۋ بولاشاققا سالىنعان باستى ينۆەستيتسيا. بۇل كۇنى ەرتەڭ-اق ءوز جەمىسىن بەرەدى. ەلباسىنىڭ باستاماسىمەن قولعا الىنعان ءار باعدارلامادا ايقىن ماقسات پەن تەرەڭ يدەيا جاتىر» دەپ اتاپ ءوتتى.
جولداۋدا كورسەتىلگەن جەكەلەگەن باعىتتاردىڭ بارلىعىن بىرىكتىرەتىن ورتاق كۇش مەملەكەت دامۋى. سوندىقتان, ەلباسى العا قويعان ماقساتتاردى ىسكە اسىرۋدا ءار قوعام مۇشەسى بەلسەندىلىك تانىتۋ قاجەت دەيدى جينالعاندار.
ارمان وكتيابر,
«ەگەمەن قازاقستان»
