تيمۋر توقتاباەۆتىڭ ايتۋىنشا, مەملەكەت باسشىسى 2018 جىلعى قاڭتار ايىنداعى قازاقستان حالقىنا جولداۋىندا الماتىدا ورنالاسقان «الاتاۋ» يننوۆاتسيالىق تەحنولوگيالار پاركى» ارنايى ەكونوميكالىق ايماعىنىڭ قىزمەتىن ۇيىمداستىرۋدى تۇبەگەيلى قايتا قاراۋدى تاپسىردى.
يننوۆاتسيالىق كəسىپورىندارعا ارنالعان جەڭىلدەتىلگەن رەجيمدەر جۇمىس ىستەيتىن اەا ۇكىمەت شەشىمىمەن تىكەلەي الماتى قالاسىنىڭ اكىمدىگىنە بەرىلەدى. ول جوعارى تەحنولوگيالىق ءوندىرىس باعىتتارىنىڭ سانىن كەڭەيتۋمەن اينالىسادى.
ء«وز كەزەگىندە, اەا باسقارۋشى كومپانياسى – يتپ دەربەس كلاستەرلىك قورى – قر يدم قاراماعىنان قر اكم-عا اۋىسادى. اقپارات جانە كوممۋنيكاتسيالار مينيسترلىگى «تسيفرلىق قازاقستان» مەملەكەتتىك باعدارلاماسىن ىسكە اسىرۋدىڭ باستى ۇيلەستىرۋشى ورگانى بولعاندىقتان وسىنداي شەشىم قابىلداندى. سەبەبى يتپ اياسىندا جۇزەگە اسىرىلاتىن جوبالاردىڭ 80% ەكونوميكانى تسيفرلاندىرۋمەن جانە تسيفرلىق ەكسپورتپەن تىكەلەي بايلانىستى», — دەدى تيمۋر توقتاباەۆ.
بۇل «ەكسپو-2017» بازاسىندا ات-ستارتاپتاردىڭ حالىقارالىق تەحنوپاركىن ءتيىمدى قالىپتاستىرۋعا ءارى جالپى اقپارات جانە كوممۋنيكاتسيالار سالاسىن دامىتۋ ءۇشىن «يتپ» اكت-ءنىڭ اتقارىلعان جۇمىستارى مەن تەحنولوگيالارىن پايدالانۋعا مۇمكىندىك بەرەدى.
مالىمدەلگەن دەرەكتەرگە سايكەس 2015–2017 جىلدارى جەر قويناۋىن پايدالانۋشىلاردان «الاتاۋ» يتپ اەا-عا تارتىلعان قاراجات 3,5 ملرد تەڭگەدەن استى (بارلىعى 35 كومپانيا). 2,6 ملرد تەڭگەگە 64 جوبا قارجىلاندىرىلدى. سونىڭ ىشىندە 2015 جىلى 5 جوبا (21,4 ملن تەڭگە), 2016 جىلى — 27 جوبا (856 ملن تەڭگە), 2017 جىلى — شامامەن 32 جوبا (1,7 ملرد تەڭگەدەن استام).
جۋرناليستەردىڭ سۇراقتارىنا جاۋاپ بەرە وتىرىپ, تيمۋر توقتاباەۆ مينيسترلىك قاراماعىنان اكىمدىككە وتكىزۋ كەزىندە قىزمەتكەرلەر جۇمىستان قىسقارتىلمايتىنىن اتاپ ءوتتى. سونىمەن قاتار قازىرگى تاڭدا اەا-نىڭ ەكىنشى كەزەڭى دامىپ جاتىر جانە ونىڭ ودان ءارى كەڭەيۋى قىزمەتكەرلەر سانىنىڭ ارتۋىنا جول اشادى.
«جالپى, بۇل «اقىلدى» تەحنولوگيالار اياسىندا الماتى قالاسىنىڭ دامۋىنا وڭ اسەر ەتەدى», — دەپ تۇيىندەدى تيمۋر توقتاباەۆ.
