«تسيفرلىق تەلەۆيزيالىق ستانتسيا قۇرىلىسىنىڭ جوسپارلى تۇردە ورىندالۋىن قاداعالاۋدى وسىعان جاۋاپتى ۆيتسە-مينيستر مەن «زەردە» حولدينگىنە تاپسىرامىن», دەدى مينيستر.
ودان بولەك مەملەكەتتىك راديو حابارلارىن تارارتۋ دا ءتيىستى جۇمىستارىن قاجەت ەتەتىندىگىن اتادى. «قازاق راديوسىن» 2 ملن ادام تىڭداي الماي وتىر. «شالقار» راديوسىنىڭ ءۇنى 5 ملن تۇرعىنعا جەتپەيدى ەكەن. بۇل اسىرەسە ەلىمىزدىڭ شەكارالىق ايماقتارىنا قاتىستى», دەگەن داۋرەن اباەۆ بىرقاتار دەرەكتەردى العا تارتتى. ونىڭ ايتۋىنشا وسى رەتتە اتقارىلاتىن جۇمىس اۋقىمى كەڭەيە تۇسەدى.
ەستەرىڭىزگە سالا كەتسەك, استانادا پرەمەر-ءمينيستردىڭ ورىنباسارى اسقار جۇماعاليەۆتىڭ, مينيستر داۋرەن اباەۆتىڭ قاتىسۋىمەن اقپارات جانە كوممۋنيكاتسيالار مينيسترلىگىنىڭ كەڭەيتىلگەن القا ءماجىلىسى ءوتىپ جاتىر. وندا مينيستر مەملەكەتتىك تاپسىرىس اياسىندا بىلتىر 40 سەريال تۇسىرىلگەنىن حابارلادى. سونىمەن قاتار داۋرەن اباەۆتىڭ ايتۋىنشا, بىلتىر زورلىق-زومبىلىقتى ناسيحاتتايتىن 9 مىڭعا جۋىق سايت جۇمىسى توقتاتىلعان.
ايا ءومىرتاي
«ەگەمەن قازاقستان»
