- وكىنىشكە وراي, ءبىز جەڭىلۋگە بولمايتىن ماتچتا ءبارىن قۇرتىپ الدىق. باسىن جاقسى باستاپ ەدىك, ەكىنشى تايمدا مۇلدە ويىندى قولدان شىعارىپ الدىق. جىلدام سوعىلعان ەكى گول ءبىزدىڭ كوماندانى ىستەن شىعارىپ تاستادى. ەندى, ەكىنشى ويىندا بىردەڭەگە ارەكەت قىلۋ مۇمكىن بولماي قالدى. ەۋروپالىق فۋتبولدىڭ ءبىر ەرەكشەلىگى وسى, ءسال قاتەلىك جاساساڭ ەشكىم كەشىرمەيدى. ويىن بويى 4-5 قاتەلىك جاسادىق, سونىڭ ۇشەۋى قاقپامىزعا گول بولىپ ەندى.
- ەكىنشى ويىندا قانداي تاكتيكالىق وزگەرىس بولا ما؟
- بۇگىنگىدەي قۇراممەن شىعامىز, وزگەرتەتىن ەشتەڭەسى جوق. تەك قاتەلىكسىز, سابىرلى ونەر كورسەتۋىمىز كەرەك. بۇگىنگى ماتچتا قورعاۋشىلارىمىز ساسقالاقتاپ كەتتى. سونىڭ سالدارىنان بۇكىل جاساعان ويىنىمىزدان ايىرىلىپ قالدىق. ونىڭ ۇستىنە ءبىزدىڭ دەمەۋشىمىز قارجىنى دەر كەزىندە بەرمەدى. بەرەمىز دەگەن سىياقىسىن دا بەرمەدى. ەشكىمنىڭ دە كوماندانىڭ ودان ءارى دامىعانىن قالامايتىن سەكىلدى. بۇلاي جالعاسا بەرەتىن بولسا مەن ءوزىمنىڭ بولاشاعىمدى بۇل كوماندامەن بايلانىستىرمايتىن دا شىعارمىن. قارىمتا ويىننان كەيىن ويلانىپ كورەمىن.
- ۇلتتىق قۇرامانىڭ باس باپكەرلىگىنە باستى كانديدات ءوزىڭىزسىز. «استاناداعى» قارجىلىق جاعدايدىڭ ناشارلىعىنان كەيىن, جۇمىس اۋىتىرۋ تۋرالى ويلامايسىز با؟
- دەمەۋشىلەرىمىز بارلىق ماسەلەنى شەشەتىن شىعار دەپ ويلادىم. الايدا, ولاي بولمادى. جالاقىنى ءۇش اي بويى الماعان كەزدەرىمىز بولدى. سىياقى تۋرالى مۇلدە ايتپاي-اق قويايىن. كوماندانى وسىنشاما ۋاقىت دامىتىپ كەلىپ, ءبۇر كۇندە قۇرتا سالۋ جانىما قاتتى باتادى. ودان كەيىن «استانانى» قايتادان نولدەن قايتا كوتەرۋ قاجەت بولادى. ال ۇلتتىق قۇراماعا كەلەتىن بولساق, بالكىم ول جاقتا دا وسىنداي شارۋالار ورىن الاتىن بولسا, وندا مەن ويلانباستان باس تارتامىن. ەگەر جاقسى ۇسىنىس ءتۇسىپ, بۇكىل ماسەلەنى شەشىپ, جۇمىس ىستەۋگە مۇمكىندىك بەرسە مەن ويلانۋعا دايىنمىن. قازاقستان قۇراماسىنىڭ باس باپكەرى بولۋعا قارسى ەمەسپىن.
ەرمۇحامەد ماۋلەن
