وعان «اتامەكەن» ۇلتتىق كاسىپكەرلەر پالاتاسى, تۇركيا ساۋدا پالاتاسى مەن تاۋار بيرجالارىنىڭ وداعى, مەملەكەتتىك ورگاندار جانە ايەلدەر كاسىپكەرلىك قوعامداستىعىنىڭ وكىلدەرى قاتىستى.
مەملەكەتتىك حاتشى قۇتتىقتاۋ سوزىندە قازاقستان پرەزيدەنتىنىڭ 25 جىلدان استام ءتيىمدى ىنتىماقتاستىق ورناتىپ كەلە جاتقان باۋىرلاس مەملەكەتتەر اراسىنداعى ەكىجاقتى قارىم-قاتىناستىڭ دامۋىنا ەرەكشە ءمان بەرەتىنىن اتاپ ءوتتى.
گۇلشارا ابدىقالىقوۆا مەملەكەت باسشىسىنىڭ يندۋستريا 4.0 – جاڭا الەمدەگى تابىستى ناۆيگاتسياعا باعىتتالعان ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنا نازار اۋداردى. وسى ورايدا كاسىپورىنداردى تسيفرلاندىرۋعا باعىتتالعان جاڭا ادىستەر سىناقتان وتكىزىلەدى. بۇل رەتتە ايەلدەردىڭ كاسىپكەرلىك قوعامداستىعى ماڭىزدى ورىندى يەلەنەدى.
مەملەكەتتىك حاتشى قازاقستاندا ايەلدەردىڭ مۇمكىندىكتەرىن ارتتىرۋعا باعىتتالعان مەملەكەتتىك ساياسات جۇرگىزىلىپ جاتقانىن ايتتى. بۇگىندە ايەلدەردىڭ 10,1 پايىزى (43 ادام) ساياسي مەملەكەتتىك قىزمەتشى بولىپ سانالادى. پارلامەنتتەگى 33 ادام نەمەسە دەپۋتاتتاردىڭ جالپى سانىنىڭ 22 پايىزى – ايەلدەر. بارلىق شاعىن جانە ورتا بيزنەس سۋبەكتىلەرىنىڭ 43 پايىزىن ايەلدەر باسقارىپ, جۇمىس ورىندارىنىڭ 31 پايىزىن (964 مىڭ ادامدى) قامتاماسىز ەتىپ وتىر. دۇنيەجۇزىلىك ەكونوميكالىق فورۋمنىڭ جاھاندىق باسەكەگە قابىلەتتىلىك يندەكسى بويىنشا, «ايەلدەردىڭ ەكونوميكالىق دامۋ سالاسىنا قاتىسۋى جانە مۇمكىندىكتەرى» كورسەتكىشى جونىنەن قازاقستان 30-شى ورىندا.
گۇلشارا ابدىقالىقوۆا بيىل قازاقستان ايرىقشا مەرەيتويدى – استانانىڭ 20 جىلدىعىن اتاپ وتەتىنىن ايتتى. استانا – تاۋەلسىزدىكتىڭ سيمۆولى, نۇرسۇلتان نازارباەۆ يدەياسىنىڭ ىسكە اسۋى جانە بارشا قازاقستاندىقتار ەڭبەگىنىڭ جەمىسى.
فورۋمدا كاسىپكەر ايەلدەردىڭ يننوۆاتسيالىق بيزنەس-جوبالارى تانىستىرىلىپ, قاتىسۋشىلار وزىق تاجىريبەلەرىن ورتاعا سالدى. سونداي-اق, قازاقستان مەن تۇركيا ايەلدەرىنىڭ بيزنەس-قوعامداستىعى اراسىندا ەكونوميكالىق جانە ينۆەستيتسيالىق قارىم-قاتىناستى ودان ءارى دامىتۋ ماسەلەلەرى تالقىلاندى.
بۇدان بولەك, فورۋم اياسىندا گ.ابدىقالىقوۆا تۇركيا پارلامەنتىنىڭ سپيكەرى يسمايل كاحرامانمەن, تۇركيا پرەمەر-ءمينيسترىنىڭ ورىنباسارى حاكان چاۆۋشوعلىمەن, تۇركيانىڭ وتباسى ىستەرى جانە الەۋمەتتىك ساياسات جونىندەگى ءمينيسترى فاتما بەتيۋل سايان كايامەن كەزدەسۋ وتكىزدى.
كەزدەسۋلەر بارىسىندا قازاقستان-تۇركيا قارىم-قاتىناسىنىڭ قازىرگى جاعدايى, سونداي-اق الەۋمەتتىك-ەكونوميكالىق جانە مادەني-گۋمانيتارلىق ىنتىماقتاستىقتىڭ پەرسپەكتيۆالارى تالقىلاندى.
